胃食妹日誌

友和日本料理 - 灣仔

2009-12-08T13:38:43Z

係收音機節目內聽到白子有半價優惠,立即搵埋好友去試.

白子係銀鱈魚精子,口感滑溜,有甘香. 質感似豬腦,不過硬少少.

(閱讀全文)

公司活動 - 有機耕種比賽 + 燒烤樂

2009-12-07T13:34:57Z

公司搞個耕種比賽,計收成最重為冠軍. 收成當日亦會去到大埔小白鷺餐廳免費有自助燒烤午餐. 我地組同鐵路組一同得雙冠軍!! 好開心有得玩又有得食!!!!

小白鷺餐廳環境幽美.

(閱讀全文)

渝川菜館 - 灣仔

2009-12-05T16:49:57Z

相約老細同一班好同事一齊去食四川菜. 起初大家都輕看餸菜辣度,因為當中不少人經常到四川,以為香港做嘅一定唔夠辣,所以涼菜就要求大辣. 一食第一碟夫妻肺片,各人已淚水直標,頭頂冒汗,立即叫侍應做返正常辣. 其後餸菜都唔錯,大家都幾滿意. 不過早排去過聯記川王,一比渝川就給比下去喇!!

飯後時間尚早,同另一位同事去酒吧談心,嘻嘻!!

四川涼麵 - 麵質爽口,辣度唔弱,起初大家都唔係好食到,但過後適應咗辣度就覺得幾好食.

(閱讀全文)

古酒家樂宴 - 銅鑼灣

2009-12-04T13:24:40Z

古酒家樂宴主打沖繩菜. 沖繩菜最出名有花生豆腐,海葡萄,苦瓜菜式等等. 當然亦唔可以漏左沖繩好出名既泡盛啦. 上次食友係呢度搞既泡盛聚會真係一流. 唔單止有靚酒飲,仲俾我試到熟既日本菜原來都可以好好食架. 日本菜唔係只得刺身,壽司,沖繩菜都十分有特色,令我愛上呢類日本菜.

串燒豬肉,大蔥豬腩肉 - 燒得十分香,肥肉亦甘香,好食呀!!

(閱讀全文)

喜來登酒店天寶閣 - 尖沙咀

2009-12-03T13:13:37Z

媽咪正日生日,同佢去天寶閣試吓. 雖然好想試個黑松露乳豬,不過媽咪唔喜歡肥膩,所以選擇其他餸菜. 意外地每樣餸菜份量十分多,所以係叫多咗. 但整體都十分滿意.

但當日有人擺壽宴唔想有人經過佢地,所以其他客人都要用梳士巴利道入口. 不過我覺得呢個安排唔得囉. 上到天寶閣門口,然後就搵個侍應帶你行出街,去到另一個入口. 如果我早知我一定唔會嚟. 大客就係大哂架喇!!!

自選小食雙盤 - 豬仔腳十分入味又大隻多皮多肉. 肴肉味道濃郁有肉香味!! 好食!!

(閱讀全文)

友聯火鍋海鮮酒家 - 大圍

2009-12-03T01:40:41Z

友人好客氣話請我食生日飯. 我同靚女咁橋大家都睇到友聯食評以曾特首都去光顧為賣點,好奇心驅使下就選擇去呢間. 首先坐底阿姐已經推介佢個$198海鮮拼盤,我地睇過內容後覺得散叫會好啲,所以冇叫. 之後阿姐三番四次繼續推介呢個海鮮拼盤,令我地更加覺得可疑,所以繼續話唔要. 見好多檯都被遊說叫咗,一睇個樣我地就慶幸冇叫. 其實散叫都唔錯,好多配料都幾新鮮. 不過冷氣確實唔多夠. 服務都可以,但最緊要當然係有一班有飲有食有講有笑嘅好朋友啦!!! 多謝哂呀!!!!!!

霜降和牛拼本地手切牛 - 和牛好腍,不過冇牛味. 相反本地牛好有牛肉味!!

(閱讀全文)

力寶軒 - 金鐘

2009-11-30T13:27:22Z

酒界前輩生日,筵開六席一齊為佢祝壽. 力寶軒轉手後,老闆都喜歡飲酒,所以係力寶軒搞酒局都去過幾次. 食物比以前好,都係一個唔錯既聚會地方.

人頭擁擁!

(閱讀全文)

謝謝

2009-11-30T02:51:22Z

係網絡世界認識一班對食十分有熱誠嘅朋友,帶我認識更多美食. 係我部落亦認識唔少網上朋友.

(閱讀全文)

聯記川王 & 時新快餐店 - 紅磡

2009-11-26T12:45:35Z

帶嚐辣好友去試下聯記川王. 呢間地戊店好出名,因為佢又真係做得好正宗,而且每個月一定有一星期返四川入貨,仲會係Facebook通知fans等我地唔使摸門釘. 就係咁,大家更加覺得佢做得正宗. 講到尾都係因為老闆娶左個四川姑娘,係呢度不斷做正宗四川菜俾我地食.

夫妻肺片 - 夠香夠麻夠辣!!! 正呀!!

(閱讀全文)

順德聯誼會 - 中環

2009-11-24T13:31:54Z

食友通知有飯局,原因係其中一位食友公司代理既白酒得獎,食友慷慨地帶六支出黎同我地分享. 地點係我好喜歡既順德聯誼會,食物水準十分高,而且環境舒適,價錢合理.

先黎一窩螺頭湯. 湯唔使講一定鮮甜無比,而螺頭亦有味道,我地食個不停!!

(閱讀全文)

金源小館 - 灣仔

2009-11-23T13:02:59Z

係龍門食完,有點意猶未盡,仲可以食多少少. 巧合地有其他食友都有同感. 本來係返屋企條路,打個電話俾另一位食友,果然佢地原來已經坐底係金源小館食緊. 我地立即九秒九飛去.

原來金源比較出名食甜品,不過佢個山東燒雞都幾出名. 叫咗幾個小菜,都已經差不多夠. 再叫幾個甜品都好滿足!! 當然每款甜品我只係食一啖啦!! 佢個榴槤布甸果然好食,仲買多個俾媽咪試吓添!!

山東燒雞 - 雞肉嫩滑,我最愛蒜香強勁!!!!

(閱讀全文)

龍門大酒樓 - 灣仔

2009-11-20T13:03:20Z

以前住灣仔都有嚟過飲茶,搬咗過九龍後就少去. 最記得年初一拜年會去呢度飲茶,因為周圍都冇開. 今次再嚟,感覺已經唔同,可能同一大班食友一齊,都係去食餐飯咁簡單. 反而係見到一班老伙計今晚就忙忙碌碌,下個月就唔再係呢個老地方上班,對佢地嚟講感覺更強烈. 今晚我個人覺得水準唔錯,大家都食得開心. 仲同老闆影咗張相留念!! 總算係一個集體回憶.

蜜汁叉燒伴海蜇 - 叉燒意外地好瘦,最合我意.

(閱讀全文)

COVA Ristorante & Caffe - 九龍塘

2009-11-18T13:32:07Z

好友請我食生日飯,但因為我晚飯時間已經差不多全滿,而好友又剛好老細外出,所以佢可以放個long lunch. 對COVA一直冇咩好感,因為佢甜品太多,完全唔合我胃口,不過見朋友食過佢新推出light lunch又即管試試. 但又一城COVA位置真係唔好,佢就係城大同又一城之間行人自動電梯底. 一到午飯時間,人來人往,完全同COVA高級格調唔配合. 食物,服務都唔錯,不過要坐係電梯底下食飯我就唔太鍾意. lunch後同事仲同我講話坐電梯去城大時到我頭頂.....@@

新出menu$88一位,但可加錢轉款.

(閱讀全文)

六國酒店粵軒 - 灣仔

2009-11-17T13:37:52Z

好耐冇見好友生日,約佢食餐生日飯. 但佢又要好夜先收工,只好搵間近佢,等佢放工立即飛嚟,唔使我地等太耐. 有熟人係度打點,當然唔錯啦!! 呢度食飯的確係一個好地方. 多謝哎呀阿妹,我搭單有得食埋我嘅生日飯!! 嘻嘻!!

兩碟小食已經夠我地等人時享用

(閱讀全文)

伊呂波燒肉 - 尖沙咀

2009-11-15T17:25:41Z

伊呂波好多朋友都去過,但偏偏我同好友都未去過. 其中一次當然係要講番我約咗靚女,但係去錯地方呢件瘀事啦!! 足足俾靚女話咗我幾年! 好彩今次無風無浪去得成! 食咗個拼盤,另加其他嘢. 都係牛舌最好食!

特上肉拼盤

(閱讀全文)