文章分類: 自家製作~好味呀! (胃食妹日誌)

今晚食乜餸

tam3415 — Sun, 01 Nov 2009 17:12:56 +0800

媽咪話佢朋友係Taste買過一款澳洲豬扒好好食. 呢日買咗返屋企整. 果然真係好驚喜!!

先用猛火煎開兩邊,加水蓋上慢火再煮. 每塊都成吋幾厚架!!!!

今晚食乜餸

tam3415 — Tue, 27 Oct 2009 01:21:05 +0800

今日假期,去Market Place行吓. 見有牛扒試食. 試過之後覺得好好食,好有肉味. 原來係澳洲西冷,估唔到咁腍又有牛味. 兩塊$60真係好抵. 再望吓個雪櫃隔離見有秋刀魚,只係$17.5兩包,每包三條,真係平到嚇死人. 我見咁平就買嚟試吓.

最後牛扒同秋刀魚都十分美味!! 呢個實驗係....成功嘅!!! 哈哈!!!

澳洲西冷 - 夠哂雪花!

(閱讀全文)

美女廚神出前一丁夜宴

tam3415 — Tue, 13 Oct 2009 13:34:06 +0800

由於某晚威士忌之夜而引伸出來的一個飯局. 雖然我上次冇參興,但慶幸都可以參加今次聚會,真係好好彩呀!!! 好多人想嚟都嚟唔到呀! 講番當晚,全部菜式都由美女廚神親自創作. 每一道菜都令大家十分欣賞. 無論賣相,味道都係一流水準!! 由於菜式十分多,所以我都有幫手製作其中腐皮卷. 先睇睇預備材料.

型男幫手整生果波波,點知粒粒都唔夠圓,最後廚神接受唔到呢個水準而放棄做呢道菜式....可惜,可惜.

(閱讀全文)

中秋節團年飯

tam3415 — Sun, 04 Oct 2009 01:43:26 +0800

今晚中秋節,叔叔,嬸嬸又係美國返嚟,可以同我地一齊做節好開心呀!! 由Nobu cooking class返嚟已經開始準備. 好彩媽咪都已經準備咗好多嘢,我主要負責其中一啲餸菜. 姨甥女成為全晚焦點. 令各人都十分開心!!! 愉快嘅中秋節!

今晚主角係大虎蝦。睇吓佢同隻义嘅比例！

(閱讀全文)

美女月餅

tam3415 — Tue, 29 Sep 2009 13:08:16 +0800

身邊實在有太多美女廚神. 今日有幸有得試食Susan整嘅冰皮月餅,真係好開心呀!! 呢個係我今年食第一個月餅,所以特別有意思.

包裝十分精美

(閱讀全文)

今晚食乜餸

tam3415 — Wed, 16 Sep 2009 13:32:14 +0800

某日媽咪話去拜公公時有條燒肉係雪櫃,可以囉嚟整咗佢. 我心諗係冰格雪咁耐都唔會好食啦. 點知佢就買咗冬瓜話整冬瓜炆火腩. 因為颱風關係早收工,咁我就手痕下廚. 一瓜兩味,有冬瓜草菇湯同冬瓜炆火腩.

因為燒肉由冰格攞出嚟要解凍,所以用微波爐解凍function. 解凍我攞去切,又胃食食咗一件......嘩,個皮脆架,好驚呀!!! 件燒肉又幾好味喎. 要問吓係邊度買先得!!! (因為係姨媽買架) 爆香啲燒肉,加埋冬瓜慢慢炆腍. 最後只係加少少魚露,好鮮味喎!! 我自己就覺得非常好食喇,哈哈!!

(閱讀全文)

天與地 Cooking Class

tam3415 — Sun, 13 Sep 2009 18:25:45 +0800

收到King Parrot Group sent 出嚟係facebook message 有 cooking class. 細看之下,都係由 King Parrot Group 其下餐廳負責. 當中比較有興趣而時間又適合就係天與地學煮四川菜.
一向愛辣嘅我由於家人唔食辣,所以從來都只會係外出食辣. 係家中煮辣菜真係冇機會. 所以今次都好期待去學煮川菜. 雖然都係玩玩下,不過有咁難得機會已經好開心.
只係百多元嘅 cooking class 估唔到各樣配套都十分好,係意料之外. 今日學煮腐皮素菜卷及水煮肥牛. 製成品自己都十分滿意. 好開心呀!!!

係餐廳門口已經設置煮食用具

(閱讀全文)

餸家三姊妹傾心吐意夜

tam3415 — Sun, 06 Sep 2009 16:43:52 +0800

被食友稱我地為'餸家三姊妹'第一次三個相聚嘅一晚. 美酒,美食再加三個美人....嘻嘻.....難得開心嘅一晚!!!!

千里之月刺身拼盤 - 廣島蠔,秋刀魚,梭子魚,中拖羅,牡丹蝦,海膽.

(閱讀全文)

自家製燒雞

tam3415 — Fri, 04 Sep 2009 12:59:27 +0800

呢日返屋企食飯,同媽咪講咗之後佢立即話要極隻燒雞我試吓. 佢買咗一個叫Convention Oven嘅玩具,其實都買咗一排,不過體積比較大,唔係太方便成日攞出嚟用. 佢主要用熱風去吹熟隻雞.

由於隻雞會出好多油,所以媽咪將鐵架包咗鍚紙方便清洗. 隻雞係用吊燒南乳醬醃嘅.

(閱讀全文)

食友家中晚宴

tam3415 — Mon, 31 Aug 2009 13:29:54 +0800

同一班少見嘅食友聚會. 以往我地會幾個一齊玩吓橋牌,都幾開心架!!! 不過而家各有各忙,都已經冇一齊玩橋牌好耐喇! 知道今日係美女廚神屋企有聚會,佢一定會為我地煮好多美食. 但自從佢烹飪比賽得獎後都忙著招呼朋友試佢得獎菜,所以為免佢煮得辛苦,我提議買隻乳豬可以順使賀賀佢.

就咁橋早幾日有食友試過上環木佬乳豬好似唔錯,而且係超值價$208一隻,所以就一早訂定攞去廚神屋企. 仲要多得有猛男'阻住'幫手拎去. 真係唔該哂!!!

(閱讀全文)

今晚食乜餸

tam3415 — Mon, 31 Aug 2009 02:45:14 +0800

去到街市,好自然又走去蟹檔睇吓. 今日有$68斤肉蟹同$72斤奄仔. 上次食咗奄仔,今次想食肉蟹. 本來要咗兩隻肉蟹,點知呀姐係都要我地試吓奄仔. 係半推半就情況底下,就一百蚊三隻蟹. 個衰鬼啲蟹又幾得喎!! 滿意,滿意!!

三色椒炒肉絲 - 冇難度,不過炒出嚟啲顏色好靚,食都食得開心啲!!

(閱讀全文)

今晚食乜餸

tam3415 — Mon, 10 Aug 2009 02:46:50 +0800

又係星期日喇,即係又係屋企煮飯仔時候! 今日唔例外都依然係食蟹. 上星期妹妹嚟我地屋企食飯都當然買我地上次好靚嘅奄仔蟹俾佢地食啦.街市呀姐話唔斬都可以,咁我咪照佢咁做囉. 其實我不嬲都會自己斬蟹,但呢次見佢咁講就試吓唔斬啦. 點知蒸好一開蓋又臭又腥,唔知發生咩事. 因為啲蟹本身都十分生猛,到蒸之前都仲係咁郁,冇理由唔新鮮啦!! 我覺得都係斬同唔斬嘅問題.

今日去到街市我同呀姐理論,佢不斷話冇理由. 我就同佢講三隻蟹有兩隻臭到好似屎咁,唔食得架!! 啲膏就鴨屎綠色. 我問佢究竟係斬唔斬架,佢話如果係咁就斬啦!! 我話咁點先,上次搞成咁. 呀姐就話加多十蚊送多隻蟹俾我. 最終$150買咗三隻肉蟹.

果然今次真係唔同,咩事都冇,啲肉甜到不得了. 雖然次次斬蟹都損手,不過都值得嘅!! 今次仲試水蛋蒸,唔錯喎!! 啲蛋有哂蟹汁,勁甜!!

今次啲蟹好大隻,不過因為係肉蟹,所以膏唔多.

(閱讀全文)

靚女食友家晚饍

tam3415 — Mon, 03 Aug 2009 13:30:28 +0800

某個星期六冇飯開,去咗搵靚女食友. 本來想簡簡單單食一餐,最後係Citysuper買到好豐富.

刺身拼盤其實係分開一款款買,不過幾新鮮,唔錯.

(閱讀全文)

Ladies' Nite

tam3415 — Wed, 29 Jul 2009 23:36:44 +0800

今晚又係ladies' nite聚會. 靚女食友好辛勞咁又煮一大餐俾我地食,靚女廚神亦整咗特色美食. 令我地覺得識到兩位靚女廚神真係太幸福!!! 今晚又係暢所欲言,仲有特別任務就係為另一位食友補祝生日. 佢開心之餘我地都戥佢開心!!

皇帝蟹 - 肉質幾甜

(閱讀全文)

燒燒燒

tam3415 — Sun, 26 Jul 2009 02:24:20 +0800

返屋企食飯,諗起好耐冇用嘅燒烤爐,即刻成個人醒哂!! 放工後立即飛去凍肉公司買已醃肉類返去燒. 點知去到九成醃肉已經賣哂,連我最愛嘅雞翼都清埋,只有韓式牛柳. 都好啦,我記得幾好食架. 但我一定要食雞翼,所以又以九秒九速度去百佳睇吓有冇. 見到只有一包香草味雞翼,仲要係當日到期特價,仲要有個師奶同我一齊揀緊,幾驚俾佢攞咗,所以即刻攞咗先去俾錢.

睇吓燒得幾靚!!

(閱讀全文)