文章分類: 飲飲食食 - 屯門 (胃食妹日誌)

肇順名滙河鮮專門店 - 屯門

tam3415 — Fri, 30 Oct 2009 13:38:45 +0800

食完下午茶,繼續行街. 同媽咪行到五點幾先返屋企. 但返到去坐唔夠半粒鐘又要出門口去食晚飯. 今次去屯門本來諗住同姨甥女玩下,點知佢突然唔舒服嘔吐,所以只好係屋企休息. 只有妹妹同妹夫同我食飯.

肇順名滙都去過好幾次. 都唔錯,而且幾抵食. 係屯門真係唔知有咩好食,我就覺得肇順名滙都值得再食,因為我鍾意食魚嘛!!

玉環瑤柱甫 - 賣相唔錯,不過個瑤柱就硬左少少.

tam3415 — Sat, 09 May 2009 19:56:47 +0800

原來放工後要入藍地食飯絕對唔係輕易事. 地鐵加巴士足足用咗個半鐘. 妹妹你好叻呀!! 入去主要為攞薑醋. 去到藍地,咁都叫試咗季季紅聞名嘅炭燒乳豬. 唔錯嘅,不過要山長水遠嚟到,我會寧願去新斗記!

例牌乳豬 - 皮夠鬆化,肉夠咸香. 用真正細細隻乳豬仔,當然皮,肉都咁嫩啦!

tam3415 — Wed, 03 Dec 2008 20:22:48 +0800

妹妹生日,為咗就佢方便,又帶埋BB嚟,所以選擇係屯門食. 上次去過肇順名滙,今次就試吓另一間. OR食評好似麻麻,不過食物同服務都好唔錯. 係肥膩少少,味道都唔錯,而且仲有78折,直係抵爆!!! 食完仲要送coupon俾你,市道真係差成咁.

下欄小食兩碟麻辣豬耳花生,味道唔錯.

tam3415 — Sun, 04 May 2008 03:03:20 +0800

又係去媽咪最愛酒樓. 今次唔買海鮮去煮,叫餐牌小菜. 每款味道唔錯,份量亦夠. 最正又最抵食當然係個蟹!!

糯米蒸蟹 - 肉蟹鮮味,再加上排骨肉汁,糯米飯真係食唔停!!

tam3415 — Sun, 06 Apr 2008 23:00:44 +0800

食完太興,又要急趕去屯門同家人食晚飯. 車程都幾遠,都好,可以俾我消化一下再食. 媽咪最喜歡呢度環境寬敞,食物美味. 今次一樣保持水準,唔錯唔錯.

白灼蝦

tam3415 — Wed, 05 Mar 2008 23:26:52 +0800

還番之前嘅blog債. 開年飯已係屯門喜喜中國廚房訂位. 上次自來海鮮煮得好,又抵食,各人心思思都想買海鮮去俾佢煮. 不過初二要有海鮮賣一啲都唔容易. 都係試試去新墟街市睇吓有冇嘢賣. 估佢唔到真係有喎,而且亦冇加價,買咗一袋二袋就入去喜喜.

豉油皇大蝦 - 味道適中,唔會過咸. 十分脆口,殼都食埋!