文章分類: 飲飲食食 - 佐敦 (胃食妹日誌)

金陶軒 - 佐敦

tam3415 — Wed, 16 Dec 2009 13:18:52 +0800

呢幾日出左去食午飯,搞到個blog冇update,真係唔好意思!! 嘻嘻!!

前排妹妹生日,我就帶左佢地去呢間金陶軒. 呢度係童軍中心內部酒樓,不過都公開俾外界人仕享用. 去食飯要填臨時會員簡單資料,好似俾$10會費單次使用. 佢食物,服務,價錢都唔錯. 所以一到假日都好多一家大細黎飲茶,食晚飯.

蒜子大鱔煲 - 大大件新鮮大鱔爽口又入味

極品王海鮮火鍋小菜 - 佐敦

tam3415 — Thu, 05 Nov 2009 13:22:34 +0800

極品王位置前身都係火鍋店,轉手多次,今次極品王似乎都做得住. 我喜歡極品王因為佢環境的確唔錯,夠哂闊落,唔似一般酒樓迫迫夾咁. 佢服務亦都唔錯. 當然食物都有水準,所以我都黎過好幾次. 今次係我個台灣哎呀阿妹生日,佢得一個人,我做佢哎呀家姐梗係要幫佢慶祝下啦!! 我搵埋幾個好同事同佢慶祝!!! 大家都好開心呀!!!

多款調味料,不過阿妹都係最喜歡佢台灣既沙茶醬,佢話打邊爐冇佢唔得喎!!!

(閱讀全文)

神燈河鮮食館 - 佐敦

tam3415 — Sun, 16 Aug 2009 18:29:18 +0800

某日去到佐敦宵夜,可能因為夜深,好多店舖都已經關門大吉. 有開嘅都係煙民世界. 但為咗醫肚,同行朋友都只好忍耐.

生炒骨 - 紅得嚇人,而且味道偏酸,雖然炸得夠脆,不過整體都係麻麻.

(閱讀全文)

生蝦皇食坊 - 佐敦

tam3415 — Sat, 08 Aug 2009 17:21:32 +0800

係工作上合作有五年多嘅政府官員專職到私人公司. 起初冇得同佢再合作都幾失落,因為佢當然好好人,工作上亦好合拍,好容易同佢一齊將問題解決. 仲有...佢靚仔嘛,哈哈!!! 不過當然要面對現實,同佢冇得再合作就成為朋友. 佢工作上有問題或者唔開心有時都打俾我同我傾吓計.呢日終於可以約埋食餐飯,見吓面. 大家話題都不離公司,工作. 呢位的確係一個不可多得嘅好友.

全套公雞系列!!

(閱讀全文)

重慶燒燒烤專門店 - 佐敦

tam3415 — Thu, 06 Aug 2009 12:24:34 +0800

朋友通知白加士街開咗重慶燒分店. 上Openrice睇過吓食評. 因為方便,呢日去咗試吓. 環境比以前闊落好多,有三層,有少少茶餐廳格局,不過都坐得好舒服. 朋友喜歡自己帶白酒,但去到竟然要收$30一支. 不過我已經同佢講話舊舖唔收,新舖都唔應該收. 最終其實都冇收,話見我地係舊舖熟客. 仲話認住我地,下次都唔收喎,哈哈!! 食物價錢同舊舖一樣,而且多咗點菜紙同調味料. 其實比以前係好嘅,所以都有機會翻兜.

牆上掛滿大大張食物照片.

(閱讀全文)

元氣壽司 - 佐敦

tam3415 — Sat, 20 Jun 2009 00:39:31 +0800

去做facial之前想食少少嘢. 因為做完facial都要十點先有得食. 七點去到佐敦,仲有半粒鐘先做facial,望吓附近只有元氣可以好快咁食少少. 係地鐵上嘅已經見有元氣廣告,$9一件壽司,少少地,填吓肚都冇問題. 我選嘅三款都唔錯,$9真係幾抵.

多款$9一件壽司. 唔想食得多都係一個好選擇.

(閱讀全文)

金山海鮮酒家 - 佐敦

tam3415 — Wed, 03 Jun 2009 13:19:08 +0800

去大當家食飯時,見七樓原來係金山佐敦分店. 上次係舊舖食過佢嘅雲英雞念念不忘. 已經幾耐未食過有雞味嘅新鮮雞. 但由於佢舊舖環境比較地戊,所以都唔係太有動力再去. 今次見佢新店又大又光猛,有地毯,有檯布,都應該可以帶媽咪嚟試試.

椒鹽瀨尿蝦 - 媽咪對瀨尿蝦又愛又恨. 愛佢肉質鮮甜,恨佢厚殼難處理. 不過今次叫$28中size已經好唔錯. 可以用較剪剪開硬殼,方便好多. 呢個肉質真係幾鮮甜,$28抵啦!!!

(閱讀全文)

大當家粵皇食府 - 佐敦

tam3415 — Fri, 29 May 2009 13:05:54 +0800

而家要坐得舒服又唔人多嘅酒樓都好少,唔係就一定好難食. 大當家係少有一間質素唔錯,但又人少嘅酒樓,主要都係佢係樓上店. 不過你試過一次都會想再嚟!!

$1一隻雞,超抵食,又好食!! 當然係雪雞啦,不過做得入味,又唔會好生.

(閱讀全文)

八方雲集 - 佐敦

tam3415 — Mon, 25 May 2009 13:03:02 +0800

行過門口見有麵線好想試吓,雖然名氣唔夠阿土麵線勁,不過都想試試佢質素.

叫咗個套餐,有鍋貼加湯. 另加最少散叫五隻鍋貼. 當然仲有麵線啦!! 點知食食吓負責人話要先埋單,原來電路出現問題,要停電check.佢只係不停話唔好意思,又冇discount,我地趕住食完,十分鍾都冇就已經開始冇冷氣,之後仲嘗試閂哂啲燈,黑到伸手不見五指. 後來只好閂一半燈,真係想唔走都唔得. 簡直係難忘經歷.

套餐 - 韮菜鍋貼,唔係好夠熱,不過味道唔錯.

(閱讀全文)