香港新浪網 MySinaBlog
« 上一篇 | 下一篇 »
胃食妹ET | 26-Jan-08 | 飲飲食食 - 上環 | (3016 Reads)

聞名已久桃花源一店,好評甚多,適逢有酒友邀請,有美酒美食,梗係唔少得我啦!

玻璃蝦球 - 連蝦上薄衣都去埋,所以表面雪白,再加上由兩隻爽甜大蝦串合而成,配以雲腿一片,果然係一道美味手功菜!!

炸蟹蚶 - 真正原裝蟹蚶,冇花冇假,所有蟹殼已清除. 據聞係要先雪凍蟹蚶,然後用木棍慢慢敲碎蟹殼! 真係啖啖鮮味蟹肉,極品!

蛇羹 - 材料跟景麗會所接近,而且師傅同為前恆生銀行總廚徒弟,不過質素未及景麗,湯底未夠鮮甜.

八寶鴨 - 炆得極腍,內裡有蒠米而唔係糯米,食落唔會太滯.

椒鹽骨 - 應改名為梳打骨,勁梳打味,簡直意外咁差!!!!

清炒菜芯 - 冇食,不過咁簡單一道菜應該可以掛!

肉絲炒麵 - 味道可以,不過麵未炸得夠脆,一般.

沙爹牛肉炒腸粉 - 沙爹牛肉味道香濃,配上滑溜腸粉唔錯!!

蛋白杏仁茶 - 甜度剛好,蛋白夠滑,幾有水準.

仲有眾美酒助慶,主題為Bordeaux vs Burgundy.

其實仲有好多靚酒,不過真係眼花撩亂,影唔哂咁多呀!

前幾道菜十分滿意,可惜個梳打骨太嚇人,令好感大減. 再加上店內年青女負責人面口極難睇,各位酒友都十分不滿佢態度,可能人氣太旺盛唔憂做啦,不過幾好食都冇回頭!

地址 : 上環蘇杭街93號地下
電話 : 2543 5919

留言(1) | 引用(0) | 話題(食事)

[1]

胃食妹,江湖傳聞"飲遍天下無敵手"的"靚女酒筲箕"是否說你呀?


[引用] | 作者 豆豆 | 28-Jan-08 | [舉報垃圾留言]