香港新浪網 MySinaBlog
« 上一篇 | 下一篇 »
胃食妹ET | 13-Oct-07 | 飲飲食食 - 上環 | (1717 Reads)

嘩,睇番個blog有好多留言,仲有Sinablog推介添,真係有啲驚喜!! 不過近排工作忙,收工夜,再加上沉迷Facebook,所以冷落咗blog友一排,而家再努力介紹番近來去過嘅地方.

吉利原來係好多食友都推介地點,原因係佢價錢實惠,但食物質素十分高,師傅會親自去日本買貨,所以不定期會關門,一定要先打去訂位或訂食物.

夜光貝要預訂. 質感似鮑魚,但較爽口,不過唔係太鮮甜,味道略淡.

沖繩海葡萄(海澡類),咬落脆口,小珠爆開有勁重海水味,幾特別,口感有趣. 不過另一食友唔太接受.

秋鰹魚刺生,用酸汁同食,但味道唔太突出.

劍魚腩壽司魚腩十分肥美,正!

仙台汁煮生蠔壽司 (半生熟),呢個係餐牌個名,但點都食唔出係熟. 不過呢個真係不得了,一食難忘,生蠔極之肥美,必定要安哥.

蟹羔壽司又係另一傑作,蟹羔味濃甘香,相比我之前食過嘅蟹羔壽司,呢個係最最最好食喇!!

安康魚肝壽司又係我食過之中最好味,不過食友話味道可以再濃一點.

帶子刺身又新鮮又甜,又係必食. 最尾兩件醋鯖魚係我摯愛,漬得味道剛剛好,好食呀!

馬肝刺身,呢個不得了呀,好特別,味道都濃. 似食生豬潤,未食過值得一試.

要嚟送酒嘅營光魷魚又係我喜愛!! 一流!

鹽燒劍魚鮫勁大,成個小朋友人頭咁大. 好多肉,燒得好香,唔錯!

冷烏冬比預期差,都幾硬身,水準一般.

侍應介紹我地飲兩款日本清酒,盛載係日本出品嘅凍酒器幾有趣.

其實都叫得幾多,四女一男食得好滿足. 必定要再嚟!!!!

地址 : 西環堅利地城爹核士街24號地下
電話 : 2818-1923


[1]

很吸引的魚生和日食呢, 可唔可以問下一個人約食左幾銀到呢?

yan
[引用] | 作者 yan | 23-Oct-07 | [舉報垃圾留言]

[2] Re: yan
yan :
很吸引的魚生和日食呢, 可唔可以問下一個人約食左幾銀到呢?

每人$550不過飲咗兩支清酒.


[引用] | 作者 ET | 24-Oct-07 | [舉報垃圾留言]