香港新浪網 MySinaBlog
« 上一篇 | 下一篇 »
胃食妹ET | 07-Oct-07 | 飲飲食食 - 美孚 | (18401 Reads)

兩 星 期 前 己 經 迫 幾 個 同 事 一 同 去 燒 烤 。 打 電 話 去 訂 位 時 有 一 聲 音 沙 啞 , 粗 獷 男 仕 接 聽 , 而 且 似 剛 訓 醒 。 果 然 去 到 , 一 大 班 公 仔 人 坐 著 食 煙 , 攞位 時 真 係 搵 唔 到 我 名 。 不 過 好 彩 我 地 係 第 一 班 人 到 , 所 以 佢 都 俾 個 邊 欄 近 馬 路 位 俾 我 , 原 來 係 好 位 黎 架 , 因 為 當 日 好 熱 , 近 路 邊 有 風 好 好 多 。

OR寫 $78位 , 其 實 週 末 , 假 日 都 加 價 , $88位 , 加 炭 要 $20一 桶 , 不 過 因 為 飲 品 超 平 , 送 一 個 飲 品 外 , 另 加 都 只 係 $6-$8一 樽 或 一 罐 , 相 對 一 般 都 算 好 平 , 所 以 週 末 , 假 日 加 價 都 唔 係 太 過 份 。

食 物 果 然 同 其 他 食 友 講 一 樣 , 真 係 好 好 味 。 尤 其 黑 椒 牛 柳 粒 真 係 好 正 。 夠 淋 得 黎 又 唔 會 太 咸 。 而 且 全 部 食 物 都 係 獨 立 包 裝 , 雖 然 唔 環 保 , 不 過 感 覺 好 似 乾 淨 好 多 。 種 類 真 係 好 多 , 不 過 要 問 佢 先 知 有 咩 食 。 可 能 有 純 情 小 妹 會 怕 同 公 仔 人 講 野 , 不 過 佢 地 其 實 都 冇 咩 , 係 粗 聲 粗 氣 d , 做 生 意 嘛 , 都 冇 野 既 。 另 外 仲 有 好 多 錫 紙 包 既 粟 米 , 蕃 薯 , 金 菇 等 等 。 你 係 估 唔 到 咁 細 心 。

我 自 己 都 帶 左 蝦 , 青 口 , 多 春 魚 , 佢 地 都 冇 出 聲 , 可 能 學 之 前 食 友 講 佢 地 冇 既 食 物 自 己 帶 都 冇 問 題 。 要 提 下 佢 d 炭 一 支 支 好 靚 , 而 且 好 易 燒 , 所 以 要 收 錢 都 合 理 。

總 結 各 同 事 都 覺 得 食 物 十 分 好 味 , 而 且 唔 太 咸 , 少 味 精 , 飲 品 好 平 , 值 得 再 黎 。 但 我 睇 漸 漸 多 人 去 , 一 定 有 再 加 價 可 能 。

地址 : 荔枝角美孚美荔道九華徑舊村
電話 : 65023298


[1]

嘩呀
地區都幾方便啵,
下次玩bbq可以約d朋友係呢到玩啦,
唔需要下下入天水圍,元朗之類
想問下.你估洗手間可以方便坐輛依既車入嗎,
如果可以就真係完全岩哂啦,


[引用] | 作者 卡碧 | 10-Oct-07 | [舉報垃圾留言]

[2] Re:
卡碧 :
嘩呀地區都幾方便啵,下次玩bbq可以約d朋友係呢到玩啦,唔需要下下入天水圍,元朗之類想問下.你估洗手間可以方便坐輛依既車入嗎,如果可以就真係完全岩哂啦,

係個廁所差啲,其他都唔錯架.


[引用] | 作者 胃食妹ET | 13-Oct-07 | [舉報垃圾留言]

[3]

我想問問`有咩車可以直接去到呀 ?


[引用] | 作者 Toby` | 13-Oct-08 | [舉報垃圾留言]

[4] Re: Toby`
Toby` :
我想問問`有咩車可以直接去到呀 ?

其實我都係美孚地鐵站C出口行去,十至十五分鐘左右.

胃食妹ET
[引用] | 作者 胃食妹ET | 14-Oct-08 | [舉報垃圾留言]

[5] 公德心

您地就開心,難為了附近居民!每天聞您們的燒烤味,您吔唔走,居民就不能睡!有點公德心,試想有人在您屋企每天燒烤,您會怎樣?


[引用] | 作者 居民 | 01-Jan-12 | [舉報垃圾留言]