香港新浪網 MySinaBlog
« 上一篇 | 下一篇 »
胃食妹ET | 03-Aug-07 | 飲飲食食 - 深水埗 | (1211 Reads)

又係深水埗,悶未呀? 我地又未喎! 今次又係我上Openrice搵食見到,又帶一班同事一行五人打的去深水埗.

呢間小店都係高登對面,算係十分方便. 午市有菜飯套餐,極之抵食又好食.

首先嚟個紅蘿蔔,青蘿蔔例湯,十分清甜,冇咩味精,竟然同我媽咪前一晚煲嘅味接近!

涼瓜獅子頭 - 味道唔錯,送飯最啱. 獅子頭當然未係最好,但都食得過,$29仲想點!!

口水雞 - 當然唔平時食開嘅味道,不過各布各做法,當試吓新嘢,味道都幾好,有少少辣味同麻醬.

 

魚香茄子 - 老實果句係肥膩咗啲,不過茄子要多油都係預咗喇.

炒雜菜 - 女同事又係要有菜先開心,俾佢叫碟菜啦,不過又係多油.

洋蔥牛肉絲 - 炒得好香,洋蔥好好味,可惜牛肉好碎,差咗啲.

套餐有菜飯一碗,包一杯凍,熱飲品,唔使加錢.

食完坐坐吓,突然送上熱辣辣豆沙窩餅一客.

 

再坐多陣,又嚟一碟西瓜,又係送嘅!!!???

即係成餐飯,$29~$34不等嘅套餐有例湯,菜飯,飲品,甜品,生果,仲冇加一,都幾好味,嘩!!!去邊度搵呀!!! 真係好正呀!!! 


[1]

好似幾抵食wor, o岩我~


[引用] | 作者 eatcheap | 06-Aug-07 | [舉報垃圾留言]