香港新浪網 MySinaBlog
« 上一篇 | 下一篇 »

我曾經係好鍾意整甜點,每個星期唔係焗蛋糕就整餅. 但自從返港後,冇大焗爐又懶去買器材就漸漸忘記左我呢個嗜好. 多謝無印良品今次邀請出席呢個超級好玩既糕點班,令我重拾興趣!!

呢個我整架,勁唔勁呢!!!! 

黎到呢個cooking class場地已經佈置得好有聖誕氣氛!! 

當然唔使講有好多美食啦!! 蛋糕,朱古力,餅仔,棉花糖,乜都有呀!!! 

終於見到主角就係我地既老師Frankie. 佢會教我地整架曲奇餅鹿車同吱花技巧. 

 

Frankie已經開始準備喇! 

呢盒就係無印良品出既聖誕應節玩意. 

入邊所有材料齊備,雖然教學指引係日文,但有圖畫都好容易明白. 

先做個麵粉團. 

平均分兩個,因為有一個加朱古力粉係深啡色. 做鹿車果part.

用麵粉棍碌平 

跟住盒內紙樣小心裁出. 各位好有愛心既公關小姐為我地剪好哂,省卻我地唔少時間,感謝啊!! 

焗好喇!!! 都似樣,無甩皮甩骨喎!!

咁就切成喇!! 上面仲有禮物,都係我地好細心整出黎架!!!! 好有成功感啊!!! 

跟住Frankie又教我地用糖漿吱花. 大細咀吱出黎又唔同架!! 

呢個我既製成品,都唔錯啦!!! 嘻嘻!!!

無印良品仲出左好多應節既玩意,裝飾,食品,應有盡有,而且價格相宜又大眾化!! 如果呢個鹿車太高級有難度(其實真係唔易!!), 仲有好幾款有聖誕樹之類既手作可以同小朋友一齊做,親子一下都唔錯架!!! 好快到聖誕節喇,快啲去買黎自己玩,送俾朋友都唔錯呀!! 當然唔好忘記仲有好多美食架!!!!