香港新浪網 MySinaBlog
« 上一篇 | 下一篇 »

見到呢個英式早餐唔好以為我介紹早餐喎, 其實呢個係佢全日供應既all day breakfast.

雖然佢冇訂位制度,每次都要排隊,但因為佢好食又抵食,我食完都要安排下次再黎. 有十多個午餐選擇都只係$92,再經濟啲$82都有.

頭盤有是日靚湯或沙律揀. 呢個椰菜花忌廉湯好香好好飲. 

紅菜頭沙律係朋友既. 夠哂新鮮,亦唔行貨,做得認真. 

仲有兩杯是日果茶,今日呢個係橙味,唔太甜又有橙香,好飲!! 

英式早餐極之豐富,蛋又煎得夠哂滑,條豬肉腸咁大條真係細食都食唔哂. 其實兩個女仔絕對夠分. 

我呢個漢堡包,真係勁量. 我眼闊肚窄,驚死唔夠飽,要叫個重量級. 雖然件肉好好食,就係食完就已經飽哂,但薯條又好味喎.....點算...... 

最終咁多食唔哂. 睇吓我,食唔哂都仲要食人地啲茄汁豆,真係貪心!!!! 所以奉勸各位細食既最好三個人食兩個餐,唔係就好似我咁浪費哂喇!!! 

同場加映好吸引既甜品!!!!!!! 

地址: 九龍塘達之路80號又一城L2層30號舖

電話: 2777 5168