香港新浪網 MySinaBlog
« 上一篇 | 下一篇 »

原來好耐冇寫川菜喎....但當然我唔會食少左啦!! 呢間川味港其實由佢大角咀總店已經開始去,反而搬左去銅鑼灣我去得仲多,皆因我去銅鑼灣泡得多,去川味港十次有九次都係食宵夜. 佢開得夜,飲完酒再食辣野最啱不過!!

見到呢個樣係咪好開胃呢!! 

黎川味港首先必食係呢個魚皮,佢發得唔會太誇張,好爽脆,而且少少麻辣都幾好味既小食!! 

呢個醉豬手我就第一次食,但原來朋友黎過幾次話呢個都係必食! 果然炆得入味,酒味夠香,又真係幾好食喎!!! 

繼續食多味唔辣既菜,係店方推介既墨魚餅,不過真係好一般. 冇乜墨魚味,而且粉多,好腍唔彈牙,質感好唔得. 呢個係特登要話俾大家知唔好點呀!!!! 

終於到辣菜喇!!! 呢個水煮魚係必點架!! 辣度夠,雖然今次點鯇魚唔係桂花,但都冇過老,入邊仲有好多料,薯粉入哂味,正啊!!!! 

毛血旺又係必食. 有什菇,午餐肉,牛肚,薯粉,真係好多料,味道又夠辣,好食!!! 

地址: 銅鑼灣駱克道405-419號地下C鋪電話: 2574 4111

留言(0) | 引用(0) | 話題(食事)