香港新浪網 MySinaBlog
« 上一篇 | 下一篇 »

如果要你估呢道菜係乜野一定考到你. 若非國金軒常客一定唔知呢幾件咁深色既係乜東東!!

開估啦,其實係脆鱔球,外面有層桂花糖漿既醬汁,所以咪咁既色囉!! 呢個係國金軒名物,必食架!!!

多謝公關邀請試菜. 其實我本來都係國金軒常客,但由於我有班酒鬼朋友,要收開瓶有少少唔化算,所以先少左黎. 今次重臨呢度實在好興奮! 先黎個老火湯,日日有新款. 呢晚飲既係天冬蜜冬雪梨煲豬展. 又滋潤又甜,仲有少少藥材香味,好好飲啊!!! 

脆皮燒腩仔拼蜜餞叉燒確實做得唔錯既燒味. 燒腩仔皮極脆,肉亦鬆化唔會過硬. 叉燒蜜味唔會過甜搶左肉味,雖然唔算係肥叉,但身體要緊,食得健康可以長食長有呀!!! 最重要唔太肥都唔會肉質過實. 

桂花糖脆鱔球絕對係我黎國金軒必點名物. 大大件又厚既鱔肉界左花先炸,再用桂花糖醬汁包裹住,鱔肉香,完全冇骨,咬落啖啖肉,真係好滿足既感覺!! 

雖然大閘蟹快過造,不過公關知道佢地太湖蟹夠靚,樂意同我地分享佢時令食品. 有足足六襾重既蟹果然質素十分好!! 

睇吓幾爆膏!!!!!!!!!! 而且肉又夠甜,白膏都唔少,真係絕對滿足到我呢個蟹痴!! 公關仲好客氣將佢自己既蟹俾埋我食,實在太感動喇!!!! 呢度仲有拆蟹服務,又快又乾淨,仲有薑茶奉送,真係夠哂細心!! 

一睇呢碟就知主角要出場啦!!!!! 

國金軒另一名物北京片皮鴨黎喇!!!!!!!!!! 睇個樣已經流哂口水!!!!! 

片出黎既皮每一塊都咁香脆,正啊!!!!!!!!!!!!! 

配佢特色既三色薄餅真係好好食!! 有原味,甘筍同莧菜. 味道其實唔算太特出,不過各人都想一種顏色食一件,好快咁就清哂喇!!!! 

片皮鴨一般都會兩食. 平時生菜包鴨鬆就食得多,今次要鹵水鴨件又有另一種食法. 香嫩鴨肉淋上鹵水汁,食出鴨既肉味,原來都好好食架!! 我不停食左起碼有四件以上!!!! 而且隻鴨夠多肉,好似食極都食唔完咁! 

鹽燒宮崎和牛粒係新菜. 用上靚和牛,輕煎兩面加少少海鹽已經超好食!! 一入口完全食到牛既脂肪香味,又有牛肉味,食完口腔既脂肪香味仲未散!!

上湯浸菜苗好似好普通,但佢用既上湯絕對唔普通. 用金華火腿及雞做既上湯鮮甜得厲害,用黎煮豆苗真係添上唔少美味!! 

睇唔出係乜呢......望埋下面張相就知喇!! 

海皇西施泡飯用鮮濃既海鮮湯煮部份飯粒,另一啲飯粒就炸脆. 將脆飯粒加入熱湯混埋食,又香又脆,點可以唔試吓!!! 

國金三式美點有三個唔同既精美甜品. 有紅豆蓉既印尼椰汁糕,燕窩蛋撻同柚子果涷. 三款都咁好食,又唔太甜. 

荔茸燉奶有荔枝肉又有荔枝香,唔錯啊!! 唔多食甜品既我都好喜歡呢個. 

湯丸杏仁茶不過不失,杏仁味可以再濃郁一點.

整體已經係一個十分完美既晚餐,再次多謝公關邀請同安排多款美食!! 其實第二日我已經同朋友再黎,今晚仲寫埋菜,咁已經知道我有幾鍾意國金軒啦!!! 哈哈哈!!! 

地址: 尖沙咀彌敦道118號The Mira 3樓

電話: 2315 5222