香港新浪網 MySinaBlog
« 上一篇 | 下一篇 »

尋晚同幾個好友食生日飯. 今次地點終於唔使我去搵喇!!! 佢地住香港區都係prefer係番呢邊. 世貿咁方便,我兩星期已經去左三次唔同既餐廳!!  

呢隻叫黑松露燒雞,原價$498,預訂價$298,又幾抵食. 而且係一隻好大既雞,內裡塞滿用黑松露醬炒過既什菇,十分入味又香又好食,真係個菇好食過隻雞. 而且份量咁勁,我地五位女生一半都食唔到要包走! 

其實係先黎左個椒鹽鮮魷做小食,個魷魚又幾新鮮喎!! 但我就唔太喜歡呢種脆漿,我嫌佢唔夠脆,哈哈!! 

燒鴨係晚市孖寶之一,燒得皮好脆,味道唔錯,不過肉就反而少啲. 但隻雞咁大,細隻少肉都好ok,因為最終都係食唔哂!!! 

晚市孖寶之二係炒沙巴海斑球. 呢個又意外地唔錯,斑球肉十分嫩滑,但當然魚味欠奉,但勝在又滑份量大,真係好抵食!! 孖寶兩個菜都只係$368咋!! 

啫啫唐生菜好香蝦醬味,又有大大隻蝦乾,惹味得黎唔過咸,又爽脆,得!! 

其實仲有個招牌龍皇西施泡飯冇影. 因為呢個好好食,而且因為有炸飯粒,唔可以等,唔係唔脆就唔好食架喇. 佢係用個龍蝦湯底,有好多海鮮粒,蝦呀,帶子呀,龍蝦肉咁,再加炸飯粒,好好食架!!! 呢道菜其實係幟哥創,不過而家好多酒樓都有學佢整. 

愛甜品既女仕們點左蛋白杏仁茶同擂沙湯丸,大家都讚不絕口,又話唔太甜,似乎都應該幾好食!

每人平均唔使三百,坐得舒服,食物水準又唔錯,比我想像中好喎!! 值得推介!! 

地址: 銅鑼灣告士打道280號世貿中心12樓

電話: 2895 2288