香港新浪網 MySinaBlog
« 上一篇 | 下一篇 »

今次轉下口味食韓國菜. 生牛肉係我其中一樣最愛韓食!! 拌生蒜絲,雪梨絲,又辣又甜,真係好好食架!! 

我最鍾意試新店. 今次搵到呢間剛開不久既韓國料理店. 位置少少偏,但都唔難搵既! 

先上十幾廿碟既韓式前菜,多得令我地驚訝,而且碟碟都咁好食,又無限添加,真係唔錯!!

原來生醃辣蟹唔使預訂,我地就立即點一份. 但由於醬料太濃味,其實食唔到蟹既鮮味,都係上次醬缸好食啲!! 

 

牛腸鍋又係另一樣必點韓菜. 又辣又有肥膏香既牛腸,仲有牛膀既鍋,真係食唔停口!! 

海藻雞蛋卷味道淡少少,但海藻香味十分濃郁,而且蛋亦煎得鬆軟唔太死實,好食!

另一款蛋食物係蒸蛋. 韓式蒸蛋唔係滑,係都幾老,但係蛋香好正,調味亦好食,幾有趣! 

炆牛排(即牛肋骨)又係我地必點既韓菜. 炆得又腍又入味既牛肋骨好夠濃味,而且紅蘿蔔,白蘿蔔又入哂味,真係好好食. 個汁用黎撈飯更加一流!!

豬血腸其實只係粗粉絲同豬血,唔係豬大腸. 但呢個豬血唔太新鮮,有少少腥味,麻麻. 

最後黎個什錦炒粉絲,炒得香,呢個唔太油ok喎. 因為有時食到既會勁多油,感覺成口油咁,但呢個唔會. 

有生果送,仲切得靚靚.

最喜歡呢杯肉桂茶,好香,好消滯既感覺. 但未必個個鍾意既.

地址: 尖沙咀金巴利道27-33號永利大廈地下20及22號舖

電話: 2311 9878/2311 9879