香港新浪網 MySinaBlog
« 上一篇 | 下一篇 »

一睇呢碟就知今次介紹咩菜啦!!!!

係熟食街市黎講都算幾乾淨,整齊既一間潮州菜館.

先黎支檸檬味Jolly Shandy,好耐冇飲過. 不過味道都係似普通汽水,唔知果0.6%酒精度可以產生到咩反應!!!! 哈哈!! 

每檯都會有碟前菜. 好典型既潮州野有辣蘿蔔,咸菜同花生. 大大碟都冇收錢架!! 

鹵水拼盤細既都咁大碟. $55我地兩個食極都食唔完. 有墨魚,大腸,豬耳,紅腸,鵝肉,豆腐. 味道中規中矩,咁抵食完全收貨啦!!! 

燒乳鴿見檯檯都有叫,當然都要整番隻啦. 幾錢就唔記得,不過新鮮熱辣炸出黎,一定好食!! 味道都合格既!! 

原來coke zero都有樽裝,我平時少飲汽水真係唔知. 近來先發現原來汽水既二氧化碳幫助消化,反而啤酒既氣會頂住個胃. 唔怪得知平時飲左啤酒都唔多想食野啦!!! 

沙茶牛肉炒芥蘭又係潮州名菜之一. 個牛肉有醃過,不過唔多,都食到肉味,而且份量好多. 芥蘭係芥蘭苗,所以好嫩. 不過沙茶醬就唔算太香,但都算唔錯喇!! 

紫菜肉碎蠔仔湯其實就係蠔仔粥個湯底同材料. 但夜晚唔想食太多澱粉質,所以原來有湯唔要米仲好. $55真係好抵呀!!! 兩個人飽到傻,又任坐冇人趕,的確係個吹水好地方!!! 

地址: 紅磡市政大廈2樓

電話: 2364 9807