香港新浪網 MySinaBlog
« 上一篇 | 下一篇 »

呢個雞煲得唔得呢!! 如果話俾你知係任食,仲要$98無限時係咪抵得好離譜先!!!!

不特止,仲有汽水任飲,食完仲可以打邊爐!! 呢個就係團購價. 就算係原價都超抵食!!

個價錢係咪好驚嚇呢!! 其實材料唔差架!! 當然除左任食,仲有其他貴少少既食材可供選擇!!

 仲有好抵食既小菜. 我見隔離檯食得好滋味,仲打埋包添.

個雞煲有分大中小辣,都十分惹味,而且有落花生醬. 雖然唔正宗,不過都幾好食喎. 半隻雞份量好足,夠辣不過唔夠麻. 但任食咁既質素完全收貨,仲要係掂!! 

火鍋配料佢就一碟過上,我地兩個人,所以每款都唔太多,但其實好夠食. 

美國肥牛就鞋少少,ok既. 羊肉就好夠羶味,好食!!! 

因為每款食物份量唔多,所以放哂落去做一品鍋,食完飲埋超甜既湯真係覺得抵到冇朋友!!! 最啱大食積!!!

地址: 旺角奶路臣街38號2樓全層

電話: 2328 5168