香港新浪網 MySinaBlog
« 上一篇 | 下一篇 »

大家有冇覺得呢位女僕打扮侍應好面善呢??!!!

唔係認佢個樣,而係佢既打扮就係好出名食燒牛扒既Lawry's既女侍應,招呼做佢signature既Spinning Bowl Salad. 無錯,Lawry's已經係金鐘重開大約有一個月喇!

經好友十級推介又幫忙訂位,我地今次係黎食Brunch. 呢個只有星期六,日先有既Brunch真係十分抵食. 先有飲品一杯,紅,白,檳,汽水,果汁任揀. 不過經友人提點,飲汽水同果汁係最安全. 點解? 因為酒類質素都係一般,反而食得飽飽地,飲杯橙汁仲消滯. 出面有自助salad bar,仲有生果同甜品,一直由11:30食到2:30. 

蔬菜類十分新鮮,有四款沙律汁. 

煙三交魚夠肥又唔會過咸 

牛肉凍糕用牛肉汁同碎牛肉做,肉味夠哂濃,有心思又好食! 

牛肉卷係薄薄既燒牛肉卷成,配上甜甜既汁醬都係唔錯既前菜. 

燒茄子,雞脾菇,意大利青瓜都做得好認真. 

磨菇湯又濃又香,好飲但又留肚.....  

生果,甜品都唔馬虎,完全認真處理. 

登登登登,主菜黎喇!! 

呢個係The Hong Kong Cut,比晚上最薄既The California Cut再薄少少,但其實食完咁多前菜,呢個厚度已經好夠. 大食既可以加$80 upgrade去The Carlifornia Cut.  不過如果想真正食扒就當然夜晚黎食先夠喉啦!! 我點既係rare,血淋淋,但好有肉味. 脂肪好香忍唔住要食埋!! 食完未滿足可以返轉頭食沙律,煙三文魚之類,所有前菜都不停供應. 就算臨近Brunch尾聲都仲會加添食物,態度認真可嘉!!! 

食完飲埋個咖啡真係大滿足. 以三百幾既價錢黎講真係好抵!! 難怪好友差不多每個週末都光顧啦!!!

地址: 金鐘夏愨道10號和記大廈2樓201號舖

電話: 2907 2218