香港新浪網 MySinaBlog
« 上一篇 | 下一篇 »

係秋天,除在秋刀魚,沙甸魚亦係另一款季節性既品種.

沙甸魚有一種獨特既鮮腥未,唔係個個喜歡,但一喜歡絕對會愛上佢!! 

睇睇個menu同價錢都已經好吸引!! 好,睇相!!

 

今次套餐係配月光酒,係純米大釀吟,入口十分純厚,米香重,其實單飲都已經好正!

薯仔沙律 - 傳統又好食! 薯仔香又滑! 

沙甸魚刺身 - 混合左薑蓉同蔥粒既沙甸魚好肥美,好鍾意佢咁特別既鮮味,配月光酒令鮮味更突出! 

金目鯛(左)同系縒鯛(右)壽司 - 兩款都係肥美有油脂香既刺身,不過火灸一下應該更香!!

唐揚川海老 - 超喜歡呢款炸蝦仔,送酒一流,蝦味濃郁!!!

醃泡沙甸魚 - 用醋醃製,最美味既係底下既洋蔥,有魚味又有醋香味!

吉列里芋 - 唔油膩而且芋蓉香滑.

穴子舞茸天婦羅 - 鰻魚係自家取貨,劏魚都一手一腳,果然比攞貨質素好好多!!

味噌大根 - 又甜又腍既白蘿蔔,配上甜甜既味噌真係一流配搭.

燒雷魚 - 一夜干既雷魚,燒出黎魚香濃,肉質結實,又係送酒佳品!!

素燒帆立貝 - 帆立貝鮮甜,其實淨燒更美味!! 不過都係送酒唔錯.

月見稻庭烏冬 - 極之滑溜既稻庭烏冬,加上極香既生蛋,絕對係完美既結尾!!!

地址:  銅鑼灣駱克道491-499號京都廣場9樓

電話: 2892 8899