香港新浪網 MySinaBlog
« 上一篇 | 下一篇 »

呢碟牛肉靚唔靚?

$268一碟. 貴唔貴見人見智啦!!

每逢十一月,我做美容既老闆娘都會請幾個熟客同美容師周年慶祝食餐飯. 今年揀左去食火鍋,我都好耐冇去既牛皇星. 雖然老字號,但我自己就覺得太貴所以冇去. 今次再黎即管又睇吓質素如何.

老闆娘本來預訂左象拔蚌同蟶子皇,但蟶子皇竟然冇貨,有點離奇. 不過象拔蚌質素唔錯,係加拿大貨,二斤十二襾睇個份量十分足. 而且片片都好大片,又爽又極之鮮甜,真係一流!!! 

 

白鱔片半條,但切得太薄冇乜口感,反而啲骨位仲好食!! 白鱔片我鍾意食落甜又爽. 呢個真係一片風就冇左.

 

美國桶蠔超大隻,隻隻都咁飽滿,而且仲好甜,好食!

 

嚮鈴同魚皮都係即炸,十分香脆又熱辣辣. 魚皮好食到要encore添!!

 

手打丸有五款. 由上至下係牛,豬,雞,墨,蝦. 我食過牛丸,有陳皮粒,做得唔錯. 墨丸都好有墨魚鮮味. 蝦丸好爽,豬肉丸味道都得,但有人話雞丸太咸.  

 

牛肉叫左三碟,都係牛脊位. 有一碟有油脂香但少肉味. 另外兩碟肉味都唔錯,但就切得太薄冇咬口. 三碟都係軟滑,但我就喜歡粗獷型,肉味濃,有咬口. 不過收$268一碟我就覺得太貴.

不過我都應該會為象拔蚌,魚皮同丸類再黎既,哈哈!!

地址: 佐敦吳松街149號

電話: 2199 7933 

留言(0) | 引用(0) | 話題(食事)