香港新浪網 MySinaBlog
« 上一篇 | 下一篇 »

呢隻醃蟹正唔正呀???

唔係上海生醃蟹,而係韓國既醬蟹.

先黎個甜甜地既韓國米酒. 米香味十分濃,酒精度只係6%,女孩子飲都應該唔會醉! 

韓國涼菜通常款式多又好味. 不過呢個就有少少hea....每款得咁少,冇乜誠意喎..... 

不過好彩個醬蟹超好食. 佢主要用醬油,蒜頭同辣椒醃. 蟹好新鮮又有膏,肉又甜,正!! 

原來個蟹係配紫菜飯! 

啲蟹膏因有飯既熱力,所以香味更加突出!! 

牛血醒湯係泡菜湯底加牛雜同牛血. 

好濃牛味,牛雜亦都十分腍,反而個牛血就幾硬,但好彩唔腥. 食少少試吓都幾得意!! 

海鮮鍋巴好多海鮮材料,有帶子,青口,八爪魚等,所以湯好鮮甜. 不過個鍋巴上檯前已經放入湯內,所以好快腍哂. 下次應該叫佢分開上!! 

韓國炆牛肋骨好好食,反到呢度當然要試試. 牛肋骨炆得唔會過份地腍,散哂咁,仲有咬口咁先好食,同埋好香牛脂味! 再加上紅,白蘿蔔都吸收哂肉汁精華,好好好食!!!!!! 

水冷麵係其中一個我好鍾意既韓國食品,最鍾意佢麵質夠煙韌. 微酸既湯放入冰,一邊食都仲係好冰涼,夏天食真係好正. 不過而家食都一樣好味!! 

每款食物都好好食,難怪外面大排長龍. 訂左位都要等!! 而且坐得比較迫,都係要快食!! 

地址: 佐敦庇利金街53號地下

電話: 2375 9805