香港新浪網 MySinaBlog
« 上一篇 | 下一篇 »

雞煲熱潮到而家仲未過,襯而家仲有團購優惠又買黎試試!

呢個雞煲睇落都唔錯丫!!

麻辣豬耳其實應該叫酸辣豬耳,因為真係好酸同好辣. 味道一般啦,已經同店方反映過酸問題. 

蒜泥鴨胸幾搞笑,係蒜粒唔係蒜泥囉,呢個酸味就冇咁誇張,但都係酸. 鴨胸配塊青瓜都幾好,爽爽地,又中和番鴨胸咸味.  

麻辣牛柳粒,我會叫佢做蜜糖牛柳粒囉. 味道真係太甜,其實本身牛柳粒都唔錯,但真係過甜而且冇乜麻辣味!

重慶麻辣雞煲其實香料唔太夠,但都算幾惹味,但雞件好明顯都係用雪雞,冇味.

胡椒豬肚雞鍋既胡椒湯濃得過份,又鬼異,好唔自然,好假. 反而個豬肚同雞都幾好食,因為雞係豬肚入邊冇過熟,幾嫩,大家都好欣賞豬肚同雞,總算有點安慰!!

乾煸肥腸算係另一個驚喜. 腸就真係唔肥,但因為炸得夠透夠乾,所以十分脆. 送酒一流!!!

香辣蝦都好好食,蝦肉幾爽甜,同埋都幾夠麻辣,唔錯!!

呢個酸辣炸雞完全係一個西式小食. 個甜酸醬好似泰國雞醬,勝在雞件炸得乾身唔油膩,得!!

最後呢個雙冬羊腩煲本來唔錯,羊腩都帶皮幾腍,可惜味道過咸又過甜,越煲越咸,有啲頂唔順,最後都係要包走,諗住返屋企加工再食!!

呢度叫不過不失,小菜絕對比火鍋料好,所以我都費事放火鍋料照片上黎. 幾樣唔得既,意見就俾左,希望有改進,會好啲啦!!!

地址: 深水埗元洲街 21-23 恆威閣地下 B 鋪

電話: 2167 8336

留言(0) | 引用(0) | 話題(食事)