香港新浪網 MySinaBlog
« 上一篇 | 下一篇 »

秋冬起,三蛇肥. 但除左蛇之外,秋刀魚原來都已經好肥喇!!!!

睇吓幾靚!!!!!!!!

呢個其實係Hokahoka係十月份推出既新清酒配菜menu.

呢個套餐絕對係超值. 二人套餐配300ml清酒預訂價係$680. 而配720ml清酒預訂價就只係$980. 其實有埋酒,仲咁多野食,咁既價錢真係完全無敵!!!! 單點一條秋刀魚要$230,一支清酒最平計你$300都已經$530,個價錢仲係兩位,咁點可以唔黎試吓呀!!!!

今次配既係薘萊泉. 就咁飲就平淡少少,但估唔到同唔同食埋走埋一齊真係有個化學作用喎!! 

蕃薯沙律 - 唔算好甜既蓄薯,加左沙律醬食落似薯仔沙律,但食食吓再飲吓酒,支酒又濃味左少少喎! 

秋刀魚刺身 - 呢條秋刀真係超級肥美!! 一入口滿有油脂香.

秋刀魚壽司 - 加埋有醋既飯成為壽司又有唔同感覺. 微酸既飯同清酒又有另一個味道.

淺漬青瓜 - 極之爽脆既青瓜原來配清酒會出現甘味,好得意喎!!

白飯魚青椒 - 白飯魚微微炒香,加埋青椒送酒唔錯.

蕃薯蝦肉天婦羅 - 甜甜既蓄薯原來同蝦膠都夾喎,不過蝦膠可以多少少就更美味啊!!!!!

燒沙甸魚干 - 好厲害既魚仔,原來乾燒後極其香脆,送酒一流.....兩條....唔夠喉呀!!! 魚頭更脆更甘香,真係好好食呀!! 太可惜原來餐牌無架.....嗚嗚嗚....

泡菜蛋卷 - 呢個貌不驚人但原來甚有驚喜. 少辣既泡菜加上鬆軟既蛋卷,原來係好好朋友黎架!! 真係第一次食咋!! 美味!!!

秋刀魚一夜干 - 天啊.......又係一流送酒佳品!! 咸香既秋刀魚一夜干燒得夠香,魚頭魚尾都係我包辦,因為脆口啲,送酒更好. 一支720就黎唔夠飲喇!!!!

煙肉茄子麵豉燒 - 煙肉同偏甜既麵豉咁又好夾喎!! 一口一件,口裡有唔同味道,再飲啖酒提升一下味覺,絕對唔會令你覺得平淡.

咖哩烏冬 - 香濃咖哩湯,啱哂重口味既我,烏冬夠彈牙,湯底唔會過咸,忍唔住成碗飲哂,好美味,好滿足啊!!!!! 

記得秋刀係而家食架,而家唔食之後千萬唔好後悔,要出年先再有得食喇!! 快黎預訂呢個超筍套餐啦!!!!

地址: 銅鑼灣駱克道491-499號京都廣場9樓

電話: 2892 8899