香港新浪網 MySinaBlog
« 上一篇 | 下一篇 »

睇唔睇到串燒雞翼入邊有乜野呢???

係鮑魚呀!!!!! 係咪好有趣呢?? 仲有其他好有創意既串燒,快啲睇吓啦!!

和幸唔再只係食燒肉喇,而家仲有串燒添!!

 

期間限定既秋味麒麟啤. 果然係超濃郁麥味,好好飲!!!

食串燒前都有呢個清新前菜,點甜甜地既麵豉醬好食呀! 

炸小池魚做送酒小食唔錯,唔覺唔覺一條條送入口!  

炸牛蒡好特別,依然有牛蒡香但又脆卜卜,配有點點黑塘好特別,又係送酒佳品!! 

豚肉露筍卷 - 看似冇乜特別,其實重點就係面頭薄到透明既腩肉. 

 

呢片好似煙肉有咸香味既腩肉比用煙肉更好,原因係唔會搶左露筍既甜味,師傅果然厲害!! 

汁燒豆腐 - 用絹豆腐先炸後燒,有豆香,外脆內軟!! 掂!!

鮑魚釀雞翼 - 聽個名都覺得好有趣. 

鮑魚用清酒煮到入味又夠腍,同雞翼原來十分夾,超級好食,必點項目!!!!

 

雞皮紫蘇葉蝦卷 - 蝦肉同紫蘇葉味道都幾配合,加埋用超薄既雞皮包住,又香又脆,絕對又係創意之選!!

 

豚肉芝士年糕 - 芝士加年糕本身已經好食,有芝士香又有年糕軟糯口感,加埋豬肉既鮮味反而冇咁齋,好食呀!!

 

牛舌明太子卷 - 呢個又係好厲害!! 將牛舌中間部份片薄,包住明太子燒,牛吞仲爽加埋明太子咸香,實在係好有驚喜!!!!

 

特別叫師傅燒雞肝試試,果然火喉唔錯,內面軟滑,師傅好掂啊!!!!

 

仲有支日本版獺祭,唔係咁易飲到. 米香唔錯,配串燒正啊!!

 

汁燒鰻魚 - 燒得皮夠,肉又香,好耐未食過咁大件又厚身既鰻魚,真係落足本!!!

 

睇吓幾靚仔!!!

鴨舌 - 話係德國黎,但食落同一般冇乜分別,不過燒得十分香脆又唔會過乾,又係食唔停口!

 

朝鮮醬魷魚鬚 - 我最鍾意魷魚,墨魚類食物,呢個啱哂我口味. 有辣醬加上燒得好香既魷魚鬚,真係好好好食啊!!!!!!!!!

 

其間有幾個時段仲會有野送.....不過.....要咀咀架!!! 咁就送一碟豚肉俾你. 下次黎記得要咀吓你身邊果個攞份免費豚肉喇!!

 

天婦羅蝦飯團 / 軟殼蟹飯團 - 呢個燒飯團本來係燒好自己包紫菜,但因為時間關係就已經包好俾我地. 飯團燒得香脆,細細件又唔錯喎!!!

 

盛岡冷麵 - 呢個冷麵真係殺死人. 本來已經飽到唔郁得,但個麵實在太好食都食左半碗. 因為麵質十分彈牙,個汁又酸酸地好醒胃,材料又多,真係下次一定要留肚食哂成碗!!!!

 

加埋個溫泉蛋又香又滑更難抗拒!!!!

佢地仲有宵夜時段,逢星期一至四,晚上十點至凌晨兩點架,當然有優惠價啦!!!

地址: 尖沙咀赫德道4號The Hart 3樓

電話: 3427 9681


[1]

秋味麒麟啤... 正

oj2468
[引用] | 作者 oj2468 | 20-Sep-13 | [舉報垃圾留言]