香港新浪網 MySinaBlog
« 上一篇 | 下一篇 »

個蟹蓋既膏係咪好吸引呢????!!!!!

睇番張相我自己都流口水!!

高流灣係間開左一段時間既火鍋店,尤其以新鮮海鮮出名. 今次帶幾個廣州好友黎試試. 先點左呢個冬瓜水蟹鍋.

花竹蝦刺身極之爽甜,質素十分好!!!!! 

蝦頭仲幫你炸左要黎送酒. 

新鮮花蟹 

本地手切牛完全掂. 有牛味又軟滑. 廣州朋友話佢地冇咁好質素既牛肉作火鍋料,真係奇怪.....

豬潤輕輕調味,好爽好好食!!! 

花蟹加落蟹鍋,雙得益彰,蟹味更濃!! 蟹好食就當然啦,最精華係個冬瓜,吸滿濃濃蟹湯,真係十分滋味!!! 其實我地仲有點花雕醉蝦,將浸住蝦既花雕加埋落鍋又有酒香味,真係一流!! 另外冇影既係必點墨魚丸. 佢有別於一段加粉墨魚丸,而係有粒狀墨魚肉而且十分鮮味彈牙,係高流灣名物之一,所以記得一定要點呀!!

每次黎高流灣絕對唔會失望. 十點後仲有七折,不過有心理準備價位係偏高. 當然啦,一分錢一分貨嘛,但絕對值得!!!!

地址: 尖沙咀山林道21-23號1樓

電話: 3520 3800