香港新浪網 MySinaBlog
« 上一篇 | 下一篇 »

刺身係咪好靚仔好新鮮呢?? 不過今次去食日本菜食物唔係主角.........

咁咩先係主角呢????

就係呢支日本清酒舞之心. 呢個係日本清酒配菜套餐. 係用呢一支清酒去配以下咁多道菜. 平日去wine dinner都係一款酒配一道菜,用一支酒配哂所有菜式真係第一次. 但估唔到十分有驚喜!!!! 由於要配多款菜式,呢支清酒屬於濃厚型,有點點辛口,亦充滿米香先至可以同唔同味道菜式夾得好,平衡得好.

九月份套餐主角都係舞之心,二人套餐已經包埋酒,十分超值.

海鮮醋物 - 一般醋物都比較酸,但呢個係略為淡口,避免酸味搶去清酒甜味. 而唔同醋物同清酒都出到唔同效果. 我個人就喜歡同魷魚既組合,當你咀嚼魷魚時,飲一啖清酒再繼續咀嚼,魷魚甜味就會同清酒甜味好夾!!

帶子/吞拿魚刺身 - 刺身鮮甜味由剛才'夾'既感覺變為提升清酒帶甜既味道,好特別啊!!

酒盜豆腐 / 燒沙甸魚苗 / 串燒銀杏 - 呢幾款配清酒我最喜歡就係酒盜豆腐,因為酒盜咸鮮味同清酒亦好配合!!

蟹柳青瓜天婦羅 / 明太子蓮藕 - 蟹柳青瓜天婦羅加入紅薑既酸味同清酒又有點化學作用. 另外明太子既咸鮮辣亦同辛口既清酒好搭配.

銀鱈魚西京燒 - 用醬酒醃製過既銀鱈魚燒得外皮香脆,肉質嫩滑,美味!!

串燒一口牛 - 非常濃郁既牛脂香味,同濃厚既舞之心都好配合. 舞之心飲到而家仲好實淨,厲害!!

牛舌飯 - 最後食埋呢個燒得好香既牛舌,仲有好有米香粒粒有彈性既米飯實在滿足!!

其實如果仲想試吓其他清酒,hokahoka絕對可以滿足你,因為佢地清酒選擇實在唔少! 

地址: 銅鑼灣駱克道491-499號京都廣場9樓 

電話: 2892 8899