香港新浪網 MySinaBlog
« 上一篇 | 下一篇 »

宜蘭菜,應該冇乜邊個食過,除非去宜蘭旅遊時食過都有機會既!! 而家係怡東酒店既咖啡室就可以食到. 雖然只係做到9月1日,得番幾日,如果咁都俾你睇到呢篇介紹你就真係好彩喇!!!

睇到呢個賣相都幾有趣想知道宜蘭菜有咩好食呢,繼續睇埋落去啦!! 

宜蘭冷盤

鹽蜆 - 鹽蜆係香港唔多會食到,因為生醃食物香港人始終食唔慣. 但台灣都幾普遍,要黎送酒唔錯架! 旁邊既配菜都好入味,好食!

XO醬豆腐 - 豆腐又香又滑,配濃味既XO醬好夾.

冰捲五味 - 呢個魷魚係宜蘭特產,鮮甜厚身又爽脆,再加埋酸辣既特製五味汁十分開胃.  我仲想要多件,有冇呀!!!!!

竹炭香腸 - 一聽個名一定以為係竹炭做,原來唔係架. 只係用墨魚汁加墨魚肉,真係超級好食!! 對我一個魷魚控黎講,墨魚同魷魚做既食物係最愛!!! 所以呢碟真係好想包走佢!!!!!

三星蔥餅 - 三星蔥係宜蘭特產. 朋友既手信三星蔥餅就食過,但呢個三星蔥餅似餃子多啲. 入邊有蝦肉及豬肉,不過三星蔥味就唔算太搶,當點心食唔錯.

菜圃燉雞湯 - 呢個湯真係勁!! 燉湯內有三款蘿蔔,除了新鮮紅蘿蔔,蘿蔔乾,仲有特別用高湯同豬肉醃製六年以上的鮮醃老蘿蔔,所以係三代同堂架!!! 味道就當然係清甜啦!!!

鹽酥排骨 - 鹽酥食物係台灣特色食品之一,所以宜蘭菜都唔少得有佢. 炸得又鬆又脆,又係我最愛!!

日月雙撇 - 一邊鴨蛋一邊豬肉,好有心機既創作.

櫻花蒸玉葉 - 食完煎炸油膩野,食返少少清淡既蔬菜. 櫻花蝦帶出椰菜清甜,好食!

魯肉飯 - 本來已經飽到傻,但個魯肉飯實在太好食,忍唔住成碗食哂!! 個魯肉真係好香好味,飯粒又軟熟,而家諗番都想即刻食番碗!!

春秋大蝦 - 開邊虎蝦釀左豬肉,上面再加隻鵪鶉蛋一齊蒸熟. 除左有蝦肉既鮮甜,仲有肉味又有蛋,真係十分豐富既味道!!

紅豆米糕/棗餅/糖粉饅頭 - 唔太喜歡食甜品既我特別喜歡饅頭. 但其實其他兩款都十分唔錯!

杏仁豆腐 - 呢個反而好有驚喜. 同檯有幾個好怕杏仁豆腐既朋友都大讚好食,尤其佢質感煙韌,而且亦唔太甜,我都食左唔少呀!!!!

呢個推廣只係做到9月1日,要食就快啲去喇!!! 

地址: 銅鑼灣告士打道281號香港怡東酒店1樓 

電話: 2837 6781