香港新浪網 MySinaBlog
« 上一篇 | 下一篇 »

唔使驚!! 今日再唔係雞煲喇,尋晚先去完呢間食小菜既,質素好好,新鮮熱辣介紹俾大家!!

白灼魚皮十分爽脆,點辣椒豉油,更加好食!

烤豬手要黎送啤酒最好不過啦!! 炆得夠腍,炸得夠香,點南乳醬食真係好滋味!! 

樣子好奇特既椒鹽鮮魷!! 好多波波,係有氣泡,真係好少見. 不過食落都好鬆脆,魷魚夠厚身,好好食! 

沙薑雞腳好腍好入味,必點!!! 

梅醬骨都好惹味,酸酸甜甜,送酒都好啱!! 

呢個黃金南瓜不得了!! 連我唔太喜歡南瓜都覺得佢做得好好食!! 南瓜好腍,外皮好脆,再加上咸香既蛋黃真係一流!!!!! 

蜜椒三寶係餐牌個賣相好靚仔,排得好整齊. 但出到黎原來大dull亂. 不過唔緊要,係好食既,又甜又少辣既爽肉,雞軟骨,薯角都好好食,又係送酒佳品!! 

豬肺勝瓜都好食. 豬肺夠哂腍又入味,唔錯! 

醬燒茄子就平凡左少少,都ok既! 

由於有人想食豬潤,但又冇苟菜,所以用左通菜,都唔錯. 豬潤好爽,食左咁多濃味野都要少少清淡間一下!!  

污糟雞個賣相唔錯,不過汁太杰,幸好味道都適中,而且雞肉都好滑,合格有餘!! 

最後黎個荷葉飯,好香好足料,水準好過酒樓添!!! 掂!!!

地址: 葵芳榮芳路9號恆景花園恆景商場地下G14-G15號舖 

電話: 2610 0488

留言(0) | 引用(0) | 話題(食事)