香港新浪網 MySinaBlog
« 上一篇 | 下一篇 »

又去食雞煲喇!!!! 去邊間?? 咪就係叫雞煲囉!!! 不過今次唔止食雞煲咁簡單呢!!! 仲有一樣好嚇人既食物,但係又好好食喎!!!!!!! 想知係乜? 睇埋落去啦!!!!

西環市政街市檯凳都擺得幾寬敞,唔似有某啲市政街市既檯密到插針都插唔入.

人未到齊,點幾個小食邊食邊等. 椒鹽豆腐夠乾身,幾香脆,送吓啤酒唔錯! 

沙薑雞腳就未係夠腍,可以再炆耐少少,但味道就夠哂! 

油浸筍殼魚外面炸得鬆脆,肉又夠嫩,好好食呀!!!

呢個冇可能估到係咩湯喇!!! 係鱷魚展湯!!! 佢呢間雞煲有個特色就係有唔少鱷魚菜色. 呢個湯好甜,有少少藥材味,好香好好飲!! 你梗係懷疑係咪真係鱷魚黎架?? 一陣仲有一道菜,見到唔信都唔得喇!!!! 

呢個係中辣既雞煲. 味道濃郁,夠麻夠辣又夠香,果然名不虛傳!!! 

睇真內裡有一樣平時雞煲冇見過既,就係臘腸!!!! 唔通呢個就係好食既秘訣??? 

安格斯牛出奇地有牛味,而且十分腍滑!!! 

墨魚滑都好有墨魚味,而且彈性唔會過份誇張! 

田雞唔係彈彈跳既,不過睇得出都幾新解,而且好平啊!! 肉質鮮甜又夠大件,又唔錯喎!

魚皮都好鬆脆,滿意!!

登登登凳!! 係炆鱷魚尾出場喇!!!!

睇到鱷魚皮一格格既紋理嗎? 我之前都食過,所以好肯定一定係鱷魚皮. 質感其實似花膠,骨膠原十分豐富,而且扣得味道亦好好,完全酒樓水準!!! 超班貨色!!!!

地址: 西環士美菲路市政大廈熟食中心2樓

電話: 2816 2098

留言(0) | 引用(0) | 話題(食事)