香港新浪網 MySinaBlog
« 上一篇 | 下一篇 »

明明介紹飲食點解有張風景相? 因為果度風景靚囉!! 我都好少介紹點心,今次同家人山長水遠入到黎科學園都係想吸吓新鮮空氣,由當黎參觀吓咁啦! 相信你問十個香港人應該冇三個去過科學園. 科學園就唔詳細介紹喇,可以上佢地網頁睇下,不過去完都覺得幾值得去,大家都可以考慮吓天氣好入去行吓影吓相同埋參加佢地既導賞團.

呢日風景真係唔錯,陽光普照,咁就係有少少熱,但都幾好,曬吓太陽呼吸新鮮空氣.

門口有個公仔歡迎你,不過好搞笑,好似肚痛咁!! 

燒腩仔個皮十分脆,肉既部分都冇過咸或過肥,啱啱好! 

炸鯪魚球唔夠脆身,魚肉味都只係一般唔夠彈性. 當然最好食係現成既蜆蚧醬啦,哈哈!! 

蝦腸蝦肉夠爽,不過不失! 

燒賣冇過多肥肉粒,都唔錯. 

紅油抄手唔夠辣,但肉味都ok既! 

雪山叉燒包好食,餡料夠多,雪山皮唔會太甜. 

宮廷醬烤骨就唔係咁做既,不過當普通甜酸排骨都唔錯,幾開胃又炆得夠腍,都幾受小朋友歡迎. 

賽旁蟹伊麵賣相都可以,不過又係唔多似賽旁蟹,唔緊要,最重要好食!! 

瑤柱蛋白炒飯合格有餘,夠香夠乾身. 

脆麻花好香蛋味,大家超級喜歡!! 

另外兩款唔知咩甜品(我唔食甜),但都聽聞唔錯. 

整體坐得舒服,食物ok,入去行吓都可以黎飲個茶,食個包!! 

地址 :  沙田香港科學園科技大道西1號1樓
電話
: 2827 8803
留言(0) | 引用(0) | 話題(食事)