香港新浪網 MySinaBlog
« 上一篇 | 下一篇 »

食左咁多火鍋,今次去食下日本野. 呢間小小港式日本料理都係亂打亂撞係飲食網頁到.

原條池魚刺身加牡丹蝦刺身,完全超水準,間直令我地驚訝會咁高質素,而且係咁平!!!!!!!

 

燒魷魚份量都好多,但燒得香個汁又好味,$48,唔係咁平化!!!!! 我去買條新鮮魷魚咁大都要$40啦!!! 

赤貝刺身都係叫黎試試佢. 點知....$45,又厚身,又爽又甜,完全冇投訴!!!!! 

串燒煙肉蠔同豬腩肉,每款兩串都係三十幾蚊!!!! 而且個蠔好肥美又juicy,完全唔乾而且好鮮甜. 

燒雞翼就失色左少少,因為開邊燒就乾左少少,但就好脆.

見個煙肉蠔咁得,立即叫多個吉列蠔試吓. 果然都係用番同樣肥美既蠔做吉列,個脆皮好鬆脆,唔油膩,$32呀!!!! 點解可以咁平架!! 質素仲要好好!!!! $8食串魚蛋都要啦!!! 

之前刺身池魚同牡丹蝦既頭同骨都可以免費炸成小食. 呢個可以再脆少少,但都已經十分唔錯!!!

呢家店十分港式,但意外地用料同手功都唔錯,不過係清酒選擇太少,所以叫日本啤都ok架!! 

地址 :  佐敦廟街273-285號地下5號舖
電話 : 3486 4318