香港新浪網 MySinaBlog
« 上一篇 | 下一篇 »

陸羽相信香港人冇乜邊個唔知既老店. 計一計我都有三年冇黎. 幸好有朋友認識太子爺,見大家咁耐未黎過就安排一局. 食物一樣水準好好,好有傳統風味,大家都食得十分滿意!!!

呢個杏汁白肺湯清甜潤喉,杏汁香濃,白肺軟滑,好想飲多碗!

蜜汁燒雞肝火喉唔錯,唔會實的的. 內裡軟糯係燒雞肝必要條件!! 

焗魚腸外表幾靚,面頭香脆,不過蛋就略為過熟. 魚腸份量都唔少又冇腥味,做得唔錯. 

古法炆斑翅份量勁大,但魚肉都冇過火,亦炆得好入味! 

炆肥牛腩真係超級掂!!!! 件件都夠哂入味,夠哂腍,而且又夠肥,真係好好食. 咁大煲都一下子清哂!!! 

咕嚕肉係亦係招牌菜之一. 甜酸味平衡唔錯,外皮脆,肉有肉味,一樣keep到水準. 

糯米雞就唔係用荷葉包住糯米飯,而係真係一隻去骨雞入面釀左炒香既糯米飯. 雞皮脆,雞油又滲落飯,真係極之好食!!!!!! 

呢個豬油包夠經典!! 係一粒粒豬油做餡料!! 

俾個近鏡睇清楚,真係粒粒好香既豬油,真係又愛又恨!!!! 

地址 :  中環士丹利街24號地下至3樓
電話 : 2523 5464