香港新浪網 MySinaBlog
« 上一篇 | 下一篇 »
胃食妹ET | 26-May-13 | 飲飲食食 - 天后 | (638 Reads)

朋友又有興趣想試間新開雞煲,試新野我當然樂意奉陪啦!!

睇吓呢個雞煲都幾對辨喎!

間店日頭係做粉麵,夜晚就做雞煲. 價錢當然略貴啦,地點問題嘛! 

個小食幾有誠意,係麻辣蒿筍,好爽,不過就唔多夠辣. 

個雞煲十分惹味,但係偏甜少少,加左大麻大辣都係未到我地食開既級數. 但當普通辣雞煲黎講都算唔錯. 而且份量好足!! 

本來想叫大花甲,但賣哂得一隻.咁就推介貴妃蚌,叫佢俾埋隻花甲我地加多少少錢. 睇個樣十分新鮮,洗得好乾淨. 隻花甲仲會郁架!!! 

又肥又大又鮮甜,好正啊!! 

脆肉鯇魚腩肉質好爽,好食呀!!

魚片頭交黎既貨都唔錯,幾爽又有魚肉味. 

自家製魚皮漿就厚少少,不過都幾香脆.

整體其實都唔錯,店員連廚房都係幾個年青人,十分有禮又細心,感覺良好.

地址 :  大坑京街18號地下
電話 : 5900 0150