香港新浪網 MySinaBlog
« 上一篇 | 下一篇 »

又食日本菜喇. 今次呢班朋友較少食刺身壽司之類生既食物,所以揀左呢間熟食比較多既店. 其實呢間都幾似和民高級版,食物款式都好雷同. 我地坐位係卡位,有塊小布係頂,感覺有少少私隱. 食物水準都幾平均同埋幾抵食,服務都唔錯,我地大家第一次黎都感覺良好,食完仲話下次要翻兜添!!

睇呢個明太子玉子燒個樣都幾對辨架!!

四個人之中有一個絕對唔食生野,其他兩個都係一般,所以少少地點左一個鰹魚刺生少少過下癮咁啦. 幾片魚,主有耿炸蒜片同蔥,有個汁都幾好味. 鰹魚係濃味刺身,所以都會喜歡.

有個串燒拼盤百幾蚊有成八串,好抵食,而且咁多款大家都啱食. 睇相都知道有邊幾款唔特登介紹喇. 當中我覺得豚肉大蔥卷同雞皮都唔錯. 豚肉燒得好香,蔥熟左又幾甜. 另外雞皮都燒得十分香脆! 

大家對串燒都情有獨鍾,尤其我最鍾意燒雞翼,所以一定要點架!! 個雞翼係開邊燒,所以燒得皮夠脆,而肉都冇過乾. 

燒牛舌都係必食,呢個係蔥燒,但未夠厚身爽口,ok啦! 

免治雞肉串係冇雞軟骨,不過用生蛋點又另一仲風味. 

朋友想食雞軟骨,就點左另一個有雞軟骨同芝士既免治雞肉串. 有芝士一齊燒當然香好多!! 呢個好食! 

明太子冇過咸,同蛋味道好夾,食得好滿足!! 

呢個一夜干超大條,燒得十分香! 一夜干即係用鹽醃左一晚之後再燒,咁有少少咸香味,非常好食. 

嘩,呢個牛筋煲不得了!!! 牛筋好滑好腍,仲有豆腐吸埋個濃汁,真係超級驚喜!! 

朋友唔飲酒,叫左巨蜂同乳酪梳打,兩款都唔錯,冇過甜. 

地址 :  銅鑼灣告士打道280號世貿中心3樓312-313號舖
電話 : 3691 8735

留言(0) | 引用(0) | 話題(食事)