香港新浪網 MySinaBlog
« 上一篇 | 下一篇 »
胃食妹ET | 07-May-13 | 飲飲食食 - 九龍城 | (379 Reads)

今次唔係介紹美食,而係介紹唔多好食... 近來又開多左燒雞店,我又膽粗粗走去試左九龍城一間新店. 我自覺佢地誠意欠奉,以咁既水準做落去都真係好危險.....個名就幾得意既,可惜冇辦法加到分!

睇個樣.....一般啦!

地方十分整潔,本來都幾有好感既. 

價錢唔算貴,但問題係要好食. 即使貴少少,好食的話當然唔介意啦!

秘製香草燒雞套餐,好明顯只係將香草粉撒少少係上面,仲係好少,何來秒製呢? 再者,燒雞係我睇住佢放入個焗爐仔度,翻熱得黎唔夠熱之餘仲要個皮唔脆,係韌囉. 咁既貨色點俾客人食呀?

另一個係惹味醬辣燒雞.....點睇都唔似係醬,只不過係少少辣粉咁囉,而且又係翻熱個皮唔脆得黎又係韌. 味道都唔講,我覺得燒雞最重要個皮點都要脆咁基本都做唔到,咁既質素我真係接受唔到囉....

套餐包米粉,麵,白飯或菜飯及飲品. 一次就夠,不會回頭!

地址 :  九龍城城南道41號地下
電話 : 2383 0199

 

留言(0) | 引用(0) | 話題(食事)