香港新浪網 MySinaBlog
« 上一篇 | 下一篇 »
胃食妹ET | 02-May-13 | 自家製作~好味呀! | (481 Reads)

一到呢個時間就聽到個個都話浸梅酒. 今年連我媽咪都話想試下.

終於整左!!! 哈哈哈!!

四月尾既青梅已經開始熟,偏黃色而唔係青色. 四月頭既就會青啲,浸出黎既酒係偏酸,如果熟既梅浸出黎就香味多啲,睇你個人喜好,大約$8-12/磅都有. 洗乾淨抹乾,吹乾,一定要乾,唔乾就會發莓. 同埋要挑個蒂出黎,黑色架!! 份量係梅:酒:糖 - 1:1:0.8

睇左好多食譜都係用雙蒸最好,度數夠高. 如果用日本清酒就得十幾度太弱,擺耐左就冇乜酒味. 

有人用黑糖,多算都用冰糖,但一定唔好用砂糖. 

所有野放哂入個乾淨既密實樽. 點為之乾淨? 用熱滾水沖洗,自己蒸發水份. 唔乾就再用風筒吹乾. 總之係一定要乾哂,唔係又會發莓架!! 

之後密封佢,半年都可以飲架喇. 當然越耐越香濃. 如果想個梅漲卜卜唔好一齊放糖. 因為酒中含高濃度糖分而將梅既水份抽出,令梅子皺皮. 所以可以先用酒浸梅,過三個月後等梅吸哂酒之後再加糖,梅就唔會縮水架喇!!