香港新浪網 MySinaBlog
« 上一篇 | 下一篇 »

近來唔知點解好似好興食阿拉斯加蟹. 連明星酒家都玩埋一份. 佢地新裝修加左個大魚缸係門口,除左一般海鮮之外,特別有個大缸專係放阿拉斯加蟹,一隻隻好生猛架!! 佢門口貼既價錢係大約五斤$1688兩食,七斤就$1988都係兩食. 有朋友試過話好得,我地當然又要去試下啦! 呢次我地有八個人,食隻七斤蟹,真係好大架!! 而且好好食,有朋友其實已經連續黎左三個星期食蟹!! 其實真係抵食既!! 因為又有另外朋友去過三聖村,或者其他酒家食都冇呢度又平又好食.

我地同經理落去揀隻又大又生猛既七斤蟹!!!

因為整蟹需時亦有朋友未到,所以點小食食住等. 沙薑雞腳夠入味但唔夠腍. 都ok既! 

燒腩仔好得喎,皮極脆,肥同肉未係好平均,但都唔錯,平平地抵食啦! 

半隻燒鵝都係即燒,皮好脆,肉嫩又入味,得喎!! 唔差得過深井果啲架! 

燒乳豬都好好,皮夠鬆脆,但就份量好似少左啲,又冇哂啲腳既.......  

主角出場喇!! 先食清蒸蟹腳! 

睇下舊肉幾大!!!!! 超級鮮甜!!!!!!!!!! 

另一件都係啖啖肉,好滿足呀!!!!!!!!!!!!!!!!! 

蟹蓋既膏多到!!!!!!!!!!!!! 

另一食係花雕蛋白蒸. 蛋白好夠滑,蟹身都一樣多肉!!!!!!!!!!!!!!! 

食完又再點下小菜. 個螺頭燉雞湯超級足料,又夠火候,各人都讚不絕口!! 

炒蝦球都幾爽口,合格啦! 

牛柳粒都唔錯,食得過!!

地址 :  油麻地彌敦道387號平安大廈二樓
電話 : 2781 2929