香港新浪網 MySinaBlog
« 上一篇 | 下一篇 »
胃食妹ET | 23-Apr-13 | 飲飲食食 - 九龍城 | (291 Reads)

一見到呢樣張相相信冇乜人唔知係乜野既!!!! 真係好有代表性!!!!

牛.....肉.....餅!!!!!

講牛肉餅之前先講下個咖哩羊腩!! 佢個咖哩好夠香,唔算太辣,但最重要係個羊腩超級無敵好食!!! 

點好食法? 就係有少少羊羶,即係有羊味啦,而且仲有少少肥膏!! 個膏香真係不得了!!!!!!!要用好食到癲黎形容!!! 而且炆得夠腍又唔會過腍,夠入味,完全係無械可擊!!!! 

牛肉餅就更加唔使講啦!! 一咬開係爆汁,所以食既時候要十分小心,唔係一定會辣親咀架!! 佢牛肉除左多汁,亦都好嫩,唔係漢堡包果仲鞋什什咁!! 呢個係每次黎必點!!!!! 

蔥油餅好香脆,但一啲都唔油膩,食完隻手無油架! 蔥香真係爆棚!!!! 

食埋個羊肉鍋貼就真係好滿足喇!! 個鍋貼底脆而唔係硬,多汁就唔使多講啦! 羊肉亦都做得夠嫩,加少少醋更好食!!!!!!!!!!!

建議大家可以去打鼓嶺道分店,食物完全一樣質素,但就大好多,坐得舒服,唔使係老店永遠都要排隊.

地址 :  九龍城打鼓嶺道33-35號地下
電話 : 2382 1882