香港新浪網 MySinaBlog
« 上一篇 | 下一篇 »
胃食妹ET | 19-Apr-13 | 自家製作~好味呀! | (792 Reads)

買左個平實既攪拌機,起初學人整五青汁,原來係要馬力好大,打到所有蔬果變蓉連渣帶核飲. 好明顯我呢個小兒科係做唔到既. 不過普遍整下果汁絕對冇問題,因為佢有個隔渣器,仲可以做埋豆漿添!!

個隔渣係可以拎走,咁就攪乜都得喇!!

話明自製當然要用好少少既材料喇! 其實黃豆及黃豆製品好多都係基因改做,對人體有冇害真係暫時都冇人知. 既然自己做有得選擇就當然買有機既好啦! 

先將300克黃豆浸過夜. 浸軟先可以打爛.

就係加水打,咁簡單架咋!! 水既份量大約800-1000毫升. 當然要分幾次打.

豆漿放落鍋煮熟. 一邊煮要一邊攪,因為好易黐底同會起好多泡瀉出黎,所以要睇火. 我煮大約8-10,滾起,加糖,咁就得喇!!

打完既渣唔好掉呀,仲可以整野食. 網上有好多豆渣食譜!! 我試過整豆渣鬆,即係素肉鬆. 調味後炒乾或焗乾都可以,又真係幾似肉鬆架!! 撈飯或粥食唔錯喎!!

 

 

另外有多既黃豆又可以煮食. 我就好簡單用豉油,糖,水煮,煮到收哂水,加蓋焗下咁就得喇!! 原來好好好食架! 好似食燒味係碟底既蜜糖豆咁,而且亦有黃豆甜味,真係食唔停口啊!!!!


[1]

聽落好似幾好咁, 我都好想自己煮豆漿, 請問若不想分多次打, 只想一次打完若多少克黃豆為一次?? 謝謝!


[引用] | 作者 過路人 | 19-Apr-13 | [舉報垃圾留言]


問題係個隔渣器唔係好大,你放太多豆落去塞住郁唔到. 如果300克豆對1000亳升水既比例,咁你睇下你用咩器材打,係佢本身可唔可以容納咁多豆既原固.

[引用版主回覆] | 作者 胃食妹ET | 19-Apr-13

[2]

多謝回復,等我試下先^-^


[引用] | 作者 過路人 | 19-Apr-13 | [舉報垃圾留言]

預祝成功!! :)

[引用版主回覆] | 作者 胃食妹ET | 19-Apr-13