香港新浪網 MySinaBlog
« 上一篇 | 下一篇 »
胃食妹ET | 18-Apr-13 | 菜式分類 - 北京菜 | (510 Reads)

友人喜歡搵新店試,我都樂終奉陪. 今次搵到呢間叫一登龍門,上到去先發現原來係之前太古坊既滙泉居,見到老闆仲同佢打招呼,叫佢介紹下新菜式! 呢度既菜式唔少同滙泉居相同,但亦有好多新菜式. 新店環境十分寬敞,燈光幽暗有情調,哈哈!! 食物相當不俗,加上新店未有酒牌暫時色開瓶,啱哂我地班酒鬼!!

爆炒牛柳絲 - 牛柳絲脆卜卜,味濃,送酒一流,呢個好有特色!!

等朋友之際有幾款小食,每款都十分好味,有蓮藕片,貢菜,炸合桃等,送酒都十分適合.

苿莉燻素鵝 - 苿莉燻味就唔多覺,但總之係有好香既燻味,味道亦唔錯,正啊!!

涼拌魷魚 - 辣辣地,魷魚爽又甜,最啱我呢個魷魚怪!!!

黑醋黃魚 - 有少少似撈起,有唔少配菜,都係食之前要撈勻魚片同配料. 用黑醋好香,而且唔係熱菜,食落幾似中式沙律!! 呢個都好食架!

涼拌冬瓜粒 - 好清,用上湯餵過既冬瓜粒就當然好食啦! 賣相都唔錯. 

炒蓮藕 - 炒得又乾身又夠香,都係適合送酒菜式.

醉雞 - 幾夠入味,不過不失,冇乜野驚喜.

大漠風沙羊腿 - 嘩,呢個超得呀!!!! 外面十分香脆,入面既羊肉十分嫩滑又有羊羶香,真係極之好食!!!!!!

蔥油拌麵 - 冇係餐牌,但我地記得係滙泉居食過,老闆話當然有,不過唔知原來唔係餐牌,真係搞笑!! 我唔太好澱粉質都食左有半碗,再叫多碗都得呀!! 個蔥油香到不得了,麵質又夠彈牙!! 記得一定要食呀!!$68絕對值!!!

高力豆沙 - 女仕當然要食甜品,佢地點左呢個,我就好禮讓請佢地食埋我果份. 睇落個樣都唔錯,聽聞都得喎!

拔絲蕃薯 - 點完高力豆沙先記起佢之前既拔絲都好食,老闆推介蕃薯,又幾好食喎,我唔食甜都覺得好食. 佢既絲原來真係即叫即拉架!!! 而且仲係脆架!! 好厲害呀!!!

拔絲士多啤梨 - 實在太好食,要encore. 今次叫士多啤梨原來都好食架,酸酸地配甜都好夾!!

地址 :  銅鑼灣登龍街28號永光中心3樓
電話 : 2893 1921