香港新浪網 MySinaBlog
« 上一篇 | 下一篇 »
胃食妹ET | 14-Apr-13 | 菜式分類 - 四川菜 | (549 Reads)

成日都心思思想食辣,不過身邊又唔係太多辣人. 今日搵到好友一齊試下呢間未去過既小店.

價錢經濟實惠

先點個麻辣雙耕,牛筋同牛脷. 夠麻夠辣,又夠入味,唔錯喎! 

夫妻肺片都係我平時必點. 材料豐富,唔好睇佢個樣同之前個麻辣雙拼差不多喎,其實味道都唔同架,呢個再辣少少,幾夠香,好食! 

辣炒土豆絲就差少少喇,一來切得唔夠幼,二來落太多薑,變左個辣係薑既辣唔辣椒既辣. 已經同店方反映左. 

蒜泥白肉個樣同一般既又唔多同,多左啲辣汁. 平時多數都只係一pat蒜蓉,咁加埋辣汁都唔錯,但我就鍾意齋蒜蓉多啲. 

辣子雞極之香,又夠麻,好入味好好食,不過唯一係彈吓切得太細粒. 大番少少就好喇!!! 

回鍋肉炒飯又唔算好油,而且味道都好適中,唔會太咸或太辣. 唔食得太辣既呢個都可以試試! 

地址 : 佐敦吳松街108號地下4號舖
電話 : 2116 0870