香港新浪網 MySinaBlog
« 上一篇 | 下一篇 »
胃食妹ET | 10-Apr-13 | 菜式分類 - 日本菜 | (252 Reads)

好耐冇見喇!! 大家好嗎? 我實在真係超級懶,食都依然照食,不過寫就真係懶左好多喇!! 不過近來又想介紹下d好地方俾大家,又係呢度推介下啦!!

呢個免治雞肉串係咪好吸引呢!! 不過近來有H7N9,似乎都係唔好食生蛋安全d,無論邊度黎都好啦,少吃為妙. 但呢個雞肉串就真係每次必食. 調味唔錯又食到雞肉味,燒得又夠香!!

芝士酒盜係醃魚腸,屬於珍味,即係要黎送酒既小食. 呢個咸咸地,配餅仔味道就岩岩好. 當然我地就會要黎送酒啦! 咸咸香香好食架!!

燒明太子又係另一款熱門送酒小食. 外面焦香,內裡軟糯,又係咸香類,好食呀! 不過呢個一定要燒得剛剛好,否則太熟就會好實的的,好硬咁就變左好難食架喇!

鹽焗銀杏,用既係日本貨,所以較大粒同圓身. 少少甜味帶甘,都唔錯架!

燒牛舌係另一個必點串燒. 牛舌用舌心部位,最厚最多肉,又有脂肪香,燒起上黎大半熟係爽架,超級正!!!!

燒雞肝絕對不能錯過,佢用既雞肝超大,而且燒得時間剛剛好,唔會全熟,食落軟綿綿,太正喇!!

兩款玉子燒都好有水準. 一個原味一個鰻魚. 兩個既蛋都冇過熟,食落有蛋香又夠軟. 你知蛋一熟又係實哂唔好食架!

最後呢個唔係成日有既拖羅筋真係一入店要問定有冇. 拖羅咁有油香,旁邊既筋位有咬口之餘都一樣勁油脂香,燒一燒就更出香味,包你食不停口!!!!

地址 :  銅鑼灣駱克道401-403號榮華商業大廈地下A舖
電話 : 2591 9505