香港新浪網 MySinaBlog
« 上一篇 | 下一篇 »
胃食妹ET | 13-Apr-13 | 飲飲食食 | (229 Reads)

文華廳近來都會搞唔少同內地高級食店既交流. 上次有北京大蕫烤鴨,上海成隆行,今次有杭州知味觀味莊.

上網翻查資料,知味觀其實有幾家店,而味莊就係西湖旁邊. 可以一邊欣賞美景,一邊品嚐美食真係超級享受! 今次有幸得到文華廳邀請先試幾款招牌菜色真係好開心啊!!! 我一路食,一路用whatsapp同我班老死報告有幾好食,食完之後已經立即訂位,準備帶埋我一班好友黎食,所以可想而知有幾好食呢!!!!

香糟四喜- 用酒糟醃雞肉,蝦,蠶豆同豬脷. 做得十分入味!! 超好食!

八寶糯米藕 - 用糯米釀入蓮藕既小洞,手功要十分精細,食落有蓮藕爽,但有糯米軟糯,雙重口感,好食!

知味素三碟 -  三碟分別係素鵝,馬蘭頭百頁卷同合桃. 百頁卷做得精細,咬落馬蘭頭爽脆. 素鵝餡料豐富. 合桃炸得鬆脆,外面用糖炒過,甜甜地都好食啊!

杭州鹵鴨 - 鹵得夠香,唔係死咸,而且鴨肉嫩滑,有水準!! 

竹鹽花生 - 用鹽做盤載住花生,又幾特別喎! 花生咸香鬆脆,又係食不停口!! 

蟲草山家清供 - 呢個湯真係來頭不少. 原來係用虎跑泉的泉水炮製架!! 真係一桶桶水運黎香港,師傅都話運費貴,但都忠於原註. 其實呢款湯係用上多類菌類燉出黎,如松茸,羊肚菌等,當然唔少得有蟲草啦!! 係蟲草呀,我都係第一次食,雖然冇乜味,但當然係夠補身啦!! 整個湯冇肉但都十分清甜,可想而知幾夠火侯! 

金牌蟹汁鱖魚 - 呢個係我當晚最愛. 用蟹膏既濃鮮配桂花魚清甜,真係好食到不得了!! 而且桂花魚蒸得剛熟,肉質極之嫩滑,真係一食難忘! 

油淋四素 - 選擇四款時令蔬菜,灼熟再用熱油淋上面,所以得名. 簡單但做得精緻! 

龍井問茶 - 全晚最驚喜係呢個茶,其實係湯. 龍井茶葉其實只係麵粉做既,睇落似十足龍井茶葉. 加上湯食,其實係一個麵點. 但做得美輪美奐,亦令客人食得開心.

蔥包檜 - 香蔥卷外皮煎得香脆,點下辣醬都幾好食! 

南宋定勝糕 - 用粳米粉同糯米粉做,其實背後有個故事架! 說係南宋時百姓爲軍隊出征鼓舞而特制. 糕上有“定勝”兩字,所以後來就被稱“定勝糕”。

呢個杭州特色菜只由4月20-28日供應,要快d訂位喇!!

地址 :  中環干諾道中5號香港文華東方酒店25樓
電話 : 2825 4003