香港新浪網 MySinaBlog
« 上一篇 | 下一篇 »

天氣開始轉涼,又係食火鍋既好時候. 今年雞煲大熱,我仲有個朋友成了雞煲痴,想試盡所有雞煲. 我身為佢辣腳又係好友之一,當然陪佢食唔少. 今次呢間質素唔錯,值得介紹.

麻辣海帶係我點,因為我鍾意食海帶. 佢處理得唔錯,起碼冇腥味,而且亦好爽,辣汁夠麻.

青芥辣米奇鼠耳係雲耳味道一般而且唔夠爽,ok啦.

麻辣窩荀未算好爽,而且未夠入味,可以再做好d.

夫妻肺片辣度幾夠,好入味,呢個得!!

尖椒皮蛋有點臭味又唔係溏心,唔得. 但尖椒味道都幾好.

涼拌茄子個汁都係甜甜地,茄子亦冇吸哂油,好食!

本來食辣野,但無啦啦又有人想試下個醉豬手,意外地十分入味,又夠腍,好食.唯一要彈就係有毛未清乾淨,呢個真係要改善一下!!

又有人想試下串燒. 原來佢係炭燒,燒得好香,呢個墨魚丸都唔錯.

我地人多,叫左一個大辣另一個中辣雞煲. 一黎到已經香氣四溢. 辣度都幾夠!!

再黎多兩款小食. 炸魚片頭幾彈牙亦有魚肉鮮味.

炸魚皮離奇地鬆脆好食!!!!!! 忍唔住要encore!!

手切牛靚到同廣告相一樣! 牛肉味不錯,亦夠油脂香.

炸響鈴不過不失.

雞什有驚喜,十分新鮮!!抵讚!

牛心頂係爽,但本身無味,ok啦.

豬潤最差,無乜味.

又黎碟小菜試下. 麻辣沙貝利即係蜆,極之鮮甜又冇沙,十分好食! 辣度又夠!!!

香辣蝦既蝦炸得極之香脆,可以連殼食.

另外香辣魚骨腩都做得好夠乾身唔油膩,味道亦好好!!

辣野用威士忌配最適合不過!!

地址 :  北角渣華道99號渣華道市政大廈2樓CF3號
電話 : 9860 2203 / 9645 9389