香港新浪網 MySinaBlog
« 上一篇 | 下一篇 »

除左大閘蟹,入秋就係食秋刀魚既時候!!! 不過因為秋刀魚肥美時候唔長,所以每年秋刀魚季節我地都會狂食. 一年只得一次機會,係要好好把握架!! 

睇下呢條幾靚,幾新鮮!! 秋刀魚味濃,帶點點可能叫腥味,所以一般食秋刀魚都用柚子醬油加蔥粒及薑蓉. 不過我個人就唔認為係叫腥味,而係應該話濃濃既魚味. 另外入秋除左秋刀魚,光皮魚都係當造如沙甸,鯖魚等. 

黎到我主場,當然有條肥美秋刀揀定等我黎食啦!! 食完仲會炸左魚骨做佐酒小吃. 佢炸功十分了得,又鬆又脆,一點都唔油膩,好食到停唔到口!! 

由於佢炸功唔錯,所以再點炸物黎送酒. 呢個係炸魚鯕,極之香脆!! yummy!! 

仲有一款必點就係燒銀鱈魚骨. 因為銀鱈魚夠肥,燒左油香撲鼻. 我最鍾意就係食骨附近既肉,夠滑. 

師傅喜歡創作,今日整左個況菜納豆魚生. 呢個組合十分好食,如果唔食納豆就冇辦法啦,但如果食的話,辣味配納豆真係好夾!!! 

自家製鮟鱇魚肝又係每次必點. 由於自家新鮮製,唔會浸得過咸,而且好軟滑,有水準!! 

食番少少熱野啦. 朋友喜歡燒大蔥. 好甜好香!! 唔好睇佢黑左,其實冇問題亦冇燶味,只係香味!! 

煙肉鵪鶉蛋係我新發現既美味必食項目. 因為煙肉唔太肥,而鵪鶉蛋黃係好軟滑,唔係實的的,所以十分好食!! 我介紹過既朋友食完都大讚. 

 

左口魚邊我一向都鍾意食,不過佢既貨極之夠肥,火灸過之後極有油香,又係必食!!! 嘻嘻!! 

最後一款必食壽司係鵝肝!!! 救命呀!! 好食到不得了!! $48又大又厚,外脆內軟滑,真係殺死人呀!!!! 仲忍唔住食左兩件!!! 下次唔會架喇!!!! 

當然唔可以少左酒啦. 對面酒舖銀鈴原來有好多清酒架!! 

地址 :  尖沙咀山林道22-28號
電話 : 2317 6718

留言(1) | 引用(0) | 話題(食事)

[1] 想再去~

你肯定下次唔會食兩件鵝肝壽司? XDDD
仲有好好食既日本雪糕啊~!


[引用] | 作者 Maxine | 17-Oct-12 | [舉報垃圾留言]