香港新浪網 MySinaBlog
« 上一篇 | 下一篇 »
胃食妹ET | 25-Sep-12 | 周圍玩, 菜式分類 - 潮州菜 | (810 Reads)

仲有,仲有!! 好戲在後頭!! 希望大家仲未悶啦!! 因為有d仲精彩既黎緊架!!!

食火鍋? 好平常啫,有咩咁特別呢??

煎韭菜粿,都係一般潮州食品,但都好好食,好香韭菜味!! 我超級鍾意食韭菜架! 

呢盤要倒落去既係咩呢??? 其實就係水魚喇!!! 我自己就好鍾意食水魚既皮,夠厚又有豐富骨膠原,而肉質亦都十分甜. 不過我知好多女仕就麻麻,因為怕佢個樣核突. 其實切哂一件件,都唔好諗咁多,好食又滋陰既就要食多d喇!! 

睇下件件都有好厚既皮,真係好好食架!! 

呢d係蛇皮,驚唔驚呢?? 其實一d都唔好驚,我地都不知幾富貴,一個個幾千蚊既手袋,皮鞋就咁食左落肚!! 呢間火鍋店其實係食野味架!! 雖然夏天熱辣辣,我地都無有怕,係強勁冷氣下食住野味,問你服味! 哈哈哈!!

大蛇就可以將蛇皮及蛇肉分開. 呢d就係蛇肉喇!! 好鮮甜架!! 

呢款係細蛇(唔記得問咩蛇添!),比較難將皮肉分開,所以起骨後都係皮連肉一齊灼熟黎食.

睇下d蛇皮幾靚. 食落幾爽咁,而蛇肉就好甜. 可以起哂肉,大大件咁食蛇肉我都係第一次!! 個湯當然係精華所在,甜到不得了啦!!! 

離開火鍋店時見到地下一個個籠入面既就係蛇喇!! 好鬼生猛,難怪咁好食啦!!! 

地址: 東廈北路玉蘭園48幢之七

電話: 88600733

留言(0) | 引用(0) | 話題(食事)