香港新浪網 MySinaBlog
« 上一篇 | 下一篇 »
胃食妹ET | 19-Sep-12 | 周圍玩, 菜式分類 - 潮州菜 | (627 Reads)

食完鴨同粿條,蔡老師就帶我地去食甜品. 雖然甜品我唔太好,不過點都要試試汕頭豆腐花有咩唔同.

我地一到就已經立即不停地影相,完全係遊客feel!!!哈哈!!

我地一行有十多人,剛好賣哂之前一桶就出一桶新既可以俾我地影下靚相. 就係睇個面都已經好唔同我地平日食好滑溜既豆腐花. 

食既時候加紅糖,白糖及花生碎. 但質地就好明顯唔同,食落係比較實,幾糯米感,好似食稀既糯米糕既感覺,但豆味絕對十分濃郁,比香港食到既濃好多好多. 網上查一下資料,原來呢位七十多歲張伯伯起初只係擺街邊檔賣豆腐花,但佢用料足,而且因為一般豆腐花外賣後都好容易出水,張伯伯有見及此就試用熟粉而唔係生粉去做豆腐花,發現用熟粉真係可以令豆腐花唔再出水,再加上用木桶都可以吸收多餘水份,所以就創左佢既特色豆腐花. 大家都好喜歡張伯伯呢款唔出水既豆腐花,所以越做越大,就入埋舖添!!

地址: 金平區公園路匯濤花園1樓(近人民廣場)

留言(0) | 引用(0) | 話題(食事)