香港新浪網 MySinaBlog
« 上一篇 | 下一篇 »
胃食妹ET | 18-Sep-12 | 周圍玩, 菜式分類 - 潮州菜 | (657 Reads)

之前一日剛到汕頭市就由中午開始怒食左五餐至凌晨兩點,終於返酒店休息. 第二日由上海大有軒名廚蔡老師帶隊繼續美食之旅.

十一點多黎到呢間路邊檔,梗係好食老師先帶我地黎啦! 不過因為'有人'冇通知我地應該要早出發食好野,結果老師話想留既食野都俾人食左,真係可惜....emotion

當然對我地未食過既黎講其實已經係好地道,好好食!

睇下呢鍋筍湯幾吸引!!! 

仲有潮州出名既鹹菜豬肚湯 

呢隻白切鴨就係我地黎既目的 

點解豉油都影?? 梗係唔止豉油咁間單啦! 其實係有鴨汁混合而成既豉油,好香啊! 

筍湯真係十分清甜,筍片又爽,係香港真係冇飲過!! 

鴨什湯有鴨腎,鴨腸等唔同部位,新鮮鴨味濃,啖湯就梗係好甜啦!! 其實只要新鮮同合時,基本上咩都可以好食!! 

鴨肉味濃又夠嫩,再點少少鴨汁豉油,再加埋有少許皮下啫喱狀脂肪就更香,係蔡老師教架!!! 我地十幾個餓鬼好快就搶食哂成隻鴨喇!!! 

除左白切鴨,筍湯,當然有潮州名物炒粿條啦!! 本來蔡老師好睇得起我地一人一碟,不過為要留肚繼續食,我地都大約兩人分食一碟筍絲炒粿條,再加少少辣醬食真係好美味啊!!!!!!!

地址: 龍湖區珠江路3号
留言(0) | 引用(0) | 話題(食事)