香港新浪網 MySinaBlog
« 上一篇 | 下一篇 »
胃食妹ET | 12-Sep-12 | 周圍玩, 菜式分類 - 潮州菜 | (2553 Reads)

係咪好奇怪點解我影個牛肉檔呢??!!

呢間就係係微博俾人吹捧得極之厲害既海記牛肉火鍋前面即切牛肉檔.

其實係有好多個無上裝猛男係度努力地切,切,切!!

一有柯打就要立即切!!

係咪好澎湃呢!!!

係呢係點牛肉有十多個部位,本來想請教專家,不過各人太忙係度食,我都唔想打擾大家,唯有下次拎住照片叫專家詳盡解說. 呢款幾腍,不過肉味唔太重.

 

呢款多少少脂肪香,亦係十分腍滑.

呢款就最香油脂,但又不失肉味.

呢款有咬口,有肉味,好食!!

呢個我知,係牛舌. 好爽好香油脂!!

呢位係邊個呢? 就係上海潮州名廚蔡老師. 佢剛巧係汕頭,特別過黎帶路同我地食地道潮州菜. 係呢度食牛火鍋唔係一片片夾落去,而係成盤放入鍋. 等清水滾起'蝦眼水',將牛肉倒入鍋內,閂火數十秒,食得!!

牛峰十分罕有,要大牛先係頸後有足夠肉地切出黎. 但呢個部位最軟滑,又腍又香又有牛味,太好食喇!!!!!

當然唔少得有牛胸油,十分甘香.

呢款應該係牛展,不過筋比較多,但肉味都幾濃.

鹵水牛肉都唔錯,好入味,鹵水又夠香!!

睇埋個價值仲驚嚇. 所以坐五粒鐘黎食都抵呀!!!!

我地十五人食左七十碟,但都意猶未盡,不過要留肚繼續食,所以只好停手.

到最後放粿粉入肉汁煮一陣,真係天上黎既美味!!!!!!

地址:金平區中山路春梅里(近华坞路)
留言(0) | 引用(0) | 話題(食事)