香港新浪網 MySinaBlog
« 上一篇 | 下一篇 »
胃食妹ET | 07-Sep-12 | 周圍玩, 菜式分類 - 潮州菜 | (1117 Reads)

剛剛係汕頭返黎,食左好多美食,真係忍唔住要介紹下. 我近來懶到出汁,真係好耐冇寫blog,講左好多次都希望再寫番,亦希望仲有人有興趣睇啦!emotion

由香港坐直通巴士去汕頭要五至六個鐘. 經過呢條汕頭海灣大橋之後就好快到目的地喇. 不過中間有少少不幸事件發生就係巴士冷氣突然出現故障,幾十人焗係架車入邊真係想死. 好彩到中途站司機好厲害咁整返好我地先有安樂日子過咋!!

今次汕頭美食之旅係由幾個地方食家組成. 有廣州,北京同香港既朋友一齊去覓食. 廣州朋友最多,佢地直接由廣州揸車黎,預埋位置接載我地,真係十分感激!! 一到步佢地就帶我地去老字號既新興餐室食個午飯.

不過一坐底就俾呢d野招呼我地,真係俾面!!!!emotion

未有得食之前我地八掛下周圍環境!!

八掛完終於有得食喇,餓到傻左喇!!!

豬腸釀糯米 - 好地道潮州小食,糯米加上豬油香,再點桔油食剛剛好!! 

鹵水鵝腸- 十分爽脆,可惜未夠肥美,睇唔到我愛既肥膏!!emotion 

炒大頭- 貌似薄殼,但肉比較肥大,但鮮味就唔吸薄殼,但都唔錯,好食. 

炒糕粿 - 又係地道食品. 糕粿比年糕軟滑,加配料炒得十分有鑊氣,果然係招牌菜之一!! 

苦瓜排骨煲 - 苦瓜又腍又入味,唔苦帶甘,超好食! 

牛丸 - 黎到汕頭牛丸當然係必食啦. 不過呢個水準一般,未算彈牙,牛味亦差少少. 我明白既,一食就食最好,之後唔會有驚喜嘛!! okok!! 等待更好食既牛丸!! 

蠔烙- 唔油膩,十分乾身,而且蠔仔好飽滿,食得滿足!! 

炸豬頸肉- 最後一道最有驚喜!! 豬頸肉夠肥,好甘香,外脆內軟,配埋桔油真係食不停口!!! 

地址:汕頭新興路77号

電話:0754-8413683

留言(0) | 引用(0) | 話題(食事)