香港新浪網 MySinaBlog
« 上一篇 | 下一篇 »
胃食妹ET | 18-Jun-12 | 菜式分類 - 日本菜 | (626 Reads)

對於集團式日本菜黎講,我幾滿意元氣既水準. 以價錢及質素比較,絕對相稱. 佢高級版千襾就當然唔錯啦! 今次去左中環千襾,又有唔同體驗.

鹽燒極上佐賀和牛 - 睇個樣都十分吸引呢!!!

呢度最特別就係有威士忌供應. 今次試左白州及山崎十二年. 一個淨飲,一個加梳打水.

有威士忌香之餘易入口又唔會咁易醉.

焗明太子芝士伴多士 - 用兩款咸香食品配多士當然好食. 不過多士唔夠熱,如果係又更加好食! 

香辣牛油果吞拿魚 - 幾fusion既一個小食. 配搭有趣,而且夠濃味,送酒唔錯!!

刺身拼盤有白子,小鯛,鰝鰺,象拔蚌,十分豐富,又新鮮. 估佢唔到只係賣$135!!! 唔可以相信咁抵食!! 不過組合就睇當日新鮮食材而定.

白子雖然唔係季節,但奇怪地都算唔錯. 入口又香又滑. 不過味道係較淡少少.

 

刺身質素真係唔錯,而且極之抵食. 再去係必點項目!!!

銀鱈魚伴西京味噌 - 呢個味道可以再濃郁一點. 即醃耐少少就唔錯喇!

日式芥末炸雞 - 炸得香脆雞件點芥辣醬又幾好食!!

串燒雞翼燒得外脆內嫩,唔錯. 反觀豚肉就可能貨源問題,肉質較韌.

最後上個壽司就飽飽喇!!

海膽壽司係算合格質素. 論價錢相比係可以,不過當然可以高級數少少.

牡丹蝦又大又爽甜,係元氣都已經係必點一款.

大拖羅油脂極豐富,唔係太多筋,算係滿意質素.

呢款甜品係朋友俾十個讚,我試過少少都唔錯既. 喜歡甜品一定會喜歡!!

地址 :  中環德己立街1-13號世紀廣場3樓
電話 : 2537 6238